अहिले कञ्चनपुर तनावग्रस्त बनेको छ।
१३ वर्षीया बालिका निर्मला पन्तको हत्याबारे प्रहरीले वास्तविकता बाहिर ल्याउन नसकेको भन्दै स्थानियवासी र प्रहरीबीच झडप हुँदा अवस्था तनावग्रस्त बनेको हो। स्थिति नियन्त्रण लिन प्रहरीले १२ राउण्डभन्दा बढी अश्रुग्यास प्रहार गरेको छ।
गत साउन ११ गते कञ्चनपुरको भीमदत्तनगरपालिका–२ खोल्टीकी १३ वर्षीया बालिका पन्तको बलात्कारपछि हत्या गरेको अभियोगमा जिल्ला प्रहरी कार्यालयले सोमबार पत्रकार सम्मेलन गरी ‘हत्यारा’ सार्वजनिक गरेको थियो। प्रदर्शनकारीलाई नियन्त्रण लिन केही राउण्ड अश्रु ग्यास प्रहार भएको डिएसपी ज्ञानबहादुर सेतीले बताए।
भीमदत्त नगरपालिका–१९ बागफाँटका ४१ वर्षीया दीलिपसिंह विष्टलाई सार्वजनिक गरिएको थियो। विष्ट मानसिक अवस्था ठीक नभएका व्यक्ति भएको र वास्तविक हत्यारालाई प्रहरीले सार्वजनिक गर्न नसकेको भन्दै स्थानीयवासी आक्रोसित बनेका छन्।
