काभ्रेको बनेपामा सोमबार टिपरको ठक्करबाट एक जनाको ज्यान गएको छ।
साँगाबाट बनेपा आइरहेको बा २ ख ३९३४ नम्बरको टिपरले सोही दिशाबाट आइरहेको बा ८३ प ५०७७ नम्बरको मोटरसाइकललाई चार दोबाटोमा ठक्कर दिएको थियो।
टिपरको ठक्करबाट घाइते मोटरसाइकल चालक नमोबुद्ध-७ का जीतबहादुर तामाङको उपचारको क्रममा अस्पतालमा मृत्यु भएको जिल्ला प्रहरी कार्यालयका डिएसपी महेन्द्रप्रसाद मरासैनीले जानकारी दिए।
टिपर चालक प्रहरीले नियन्त्रणमा लिएको छ। आक्रोशित स्थानीयले टिपरमा आगो लगाएका छन्।