२० दिनदेखि अनसनरत डाक्टर गोविन्द केसीलाई लिन गएको सरकारी टोलीले बल प्रयोग गरेपछि बिहिबार दिनभर जुम्ला सदरमुका खलङ्गास्थित कर्णाली स्वास्थ्य विज्ञान प्रतिष्ठान परिसर तनावग्रस्त रह्यो।
अस्पताल भित्र रहेका डाक्टर, नर्स र विद्यार्थीमाथि बल प्रयोगका क्रममा तीन जना डाक्टरसहित दर्जनौ विद्यार्थी, विरामी कुरूवा र एक जना प्रहरी घाइते भए।
अस्पतालका उपकरण तथा भौतिक संरचनामा क्षति पुगेको छ। झ्याल ढोकाका सिसा फुटेका छन्। प्रहरीले चलाएको गोलीले आफूहरूबीच सादा पोशाकमा रहेका एक प्रहरी घाइते भएको विद्यार्थीले जनाएका छन् भने प्रहरीले गोली नचलेको दाबी गरेको छ।
जुम्ला प्रहरी प्रमुख तपन दाहालले आफ्ना प्रहरी जवानको छातिमा गोली नभएर सिसाको टुक्रा पसेको बताए।
हेर्नुहोस् ज्योति देवकोटाका तस्बिरहरू
