उपत्यकामा जथाभावी सडक पार गर्ने ३ हजार ९ सय ८१ जना पैदलयात्रुलाई आइतबार ट्राफिक प्रहरीले सचेत गराएको छ।
पैदलयात्रुको सुरक्षालाई मध्यनजर गरेर महानगरीय ट्राफिक प्रहरी महाशाखाले सडकमै सचेतना अभियान सुरु गरेको हो।
ललितपुरको जावलाखेलमा हिजोबाट औपचारिकरूपमै सचेतना अभियानको सुरु गरिएको हो।
आज पनि जथाभावी बाटो काट्ने पैदल यात्रुलाई सम्झाउने कार्य भइरहेको छ। विशेष गरेर पिकआवरमा उपत्यकाकामा जथाभावी बाटो काट्ने पैदलयात्रुलाई ट्राफिक प्रहरी र जनपद प्रहरीको संयुक्त टोलीले सडकमै सम्झाइ बुझाइ गर्ने गर्दछ।
हिजोदेखि १० दिनसम्म चल्ने यस अभियानले पैदलयात्रुको सुरक्षामा महत्वपूर्ण भूमिका निर्वाह गर्ने ट्राफिक प्रहरी महाशाखाले जनाएको छ।
