काठमाडौंको जडिबुटीमा टिपरको ठक्करबाट एकको मृत्यु भएको छ।
भक्तपुरबाट कोटेश्वरतर्फ आउँदै गरेको बा ४ ख ८७२५ नम्बरको टिपरले बा ८५ प ७१६ नम्बरको मोटरसाइकललाई ठक्कर दिँदा एक जनाको मृत्यु भएको छ।
मृत्यु हुनेमा जिल्ला भक्तपुर बस्ने १८ वर्षीय रोयल सुवेदी रहेका छन्।
दुर्घटनामा गम्भीर घाइते भएका सुवेदीको उपचारको क्रममा शिक्षण अस्पतालमा मृत्यु भएको अस्पताल प्रशासनले जनाएको छ।
सोही दुर्घटनाका अर्का घाइते १८ वर्षीय मोटरसाइकल चालक अमन ढुङ्गेलको भने ट्रमा सेन्टरमा उपचार भइरहेको प्रहरीले जनाएको छ।
दुर्घटनामा संलग्न दुवै सवारी साधनसहित टिपर चालक प्रहरीको नियन्त्रणमा लिइएको छ।
