प्रहरीले काठमाडौंको ज्याठाबाट एक किलो अवैध यार्सागुम्बासहित ३ जनालाई पक्राउ गरेको छ।
महानगरीय प्रहरी वृत्त दरबारमार्गको प्रहरी टोलीले आइतबार साँझ कालीकोट तिला गुफा नगरपालिका ३ का राज हमाल, कैलाली टिकापुर नगरपालिका १ का नरीलाल कोइराला र जुम्ला सिन्जाका दानबहादुर रोकायालाई पक्राउ गरेहो हो।
प्रहरीले उनीहरूको साथबाट एक किलो अवैध यार्सागुम्बा पनि बरामद गरेको काठमाडौं प्रहरी परिसरले जनाएको छ।
पक्राउ परेका तीनै जनालाई आवश्यक कारवाहीका लागि जिल्ला वन कार्यालय काठमाडौंमा पठाउने प्रहरीले जनाएको छ।
