भेरी नदीमा पौडी खेल्ने क्रममा सुर्खेतका एक जनाको मृत्यु भएको छ। जिल्लाको सिम्ता गाउँपालिका वडा नं. ९ का ४२ वर्षीय टोपबहादुर अधिकारीको शुक्रबार भेरी नदीमा पौडी खेल्दै गर्दा डुबेर मृत्यु भएको हो ।
जिल्ला प्रहरी कार्यालय सुर्खेतका अनुसार शुक्रवार बिहान ९ बजे अधिकारी पौडी खेल्न नदीमा पसेका थिए । पौडिने क्रममा एक्कासी डुबेका टोपबहादुरलाई स्थानीयले नदीबाट निकालेका थिए । त्यसपछि मेहलकुना अस्पतालमा उपचारका लागि ल्याउँदै गर्दा उनको बाटोमै मृत्यु भएको प्रहरीले जनाएको छ ।
पोष्टमार्टम पश्चात मृत अधिकारीको सव परिवारलाई जिम्मा लगाइएको जिल्ला प्रहरी कार्यालय सुर्खेतले जानकारी दिएको छ ।
