सिनामंगलमा भएको सडक दुर्घटनामा एक महिलाको मृत्यु भएको छ। दोलखा स्थायी घर भई हाल सिनामंगल बस्दै आएकी ४७ वर्षीया गोमा भुजेलको बुधवार राती दुर्घटनामा मृत्यु भएको हाे।
सिनामंगलस्थित प्रहरी चौकी नजिकै ना १ ज ४२५० नम्बरको टाटा सुमोले पैदलयात्राका क्रममा राति करिब १० बजे ठक्कर दिएको थियो। ठक्करबाट गम्भीर घाइते भुजेललाई उपचारका लागि स्थानीयले काठमाडौँ मेडिकल कलेज लगेका थिए। तर उपचारका क्रममा राति १०ः३० बजे मृत्यु भएको प्रहरीले जनाएको छ।
दुर्घटनामा संलग्न सवारीसाधन र चालक सानेपा चौकीस्थित प्रहरीको नियन्त्रणमा रहेको जनाइएको छ।