काठमाडौं प्रहरीले ठमेल आसपासका क्षेत्रमा गुण्डागर्दी गर्ने दुई जनालाई पक्राउ गरेको छ।
आइतबार महानगरीय प्रहरी परिसर काठमाडौंबाट खटिएको टोलीले २८ वर्षीय मनोज खत्री र २८ वर्षीय कुमार श्रेष्ठलाई पक्राउ गरेको हो।
उनीहरूले ठमेल, ज्याठालगायत क्षेत्रमा सञ्चालित होटल, रेस्टुरेन्ट लगायतका व्यवसायीहरूलाई डर त्रास देखाएर रकम असुल्दै हिँडेको प्रहरीले जनाएको छ।
शुक्रबार 'राधे समूह'का देउराली ८ घर भएका २६ वर्षीय देवकुमार थापा र धादिङ घर भएका २९ वर्षीय कमल गुरुङलाई पक्राउ गरेको थियो।