पाँचथर फाल्गुनन्द गाउँपालिकाकी एक महिलाले आफूलाई स्थानीय दुई युवाहरूले सामूहिक बलात्कार गरेको भन्दै मुद्दा दर्ता गराएकी छन्।
फाल्गुनन्द गाउँपालिका–५ का विक्रम चेम्जोङ र भीम नेम्वाङले आफूलाई सामूहिक रूपमा बलात्कार गरेको भन्दै ति महिलाले आइतबार जिल्ला प्रहरी कार्यालय पाँचथरमा उजुरी दिएकी हुन्।
उनको सोही दिन मुद्दा दर्ता भएको पाँचथर प्रहरीले जनाएको छ। बलात्कारको आरोप लागेका युवाहरू फरार भएको र उनीहरूको खोजी भइरहेको प्रहरीले जनाएको छ। पीडित भनिएकी महिलाको सोही दिन स्वास्थ्य परीक्षण गरिएको प्रहरीले जनाएको छ।
पाहुनाबाट आउने क्रममा उनीहरूले आफूमाथि सामूहिक रूपमा करणी गरेको महिलाले उजुरीमा उल्लेख गरेकी छन्। प्रहरीले चेम्जोङ मुख्य अभियुक्त र नेम्वाङलाई मतियारको रूपमा मुद्दा दर्ता भएको जनाएको छ।
