बुधबारदेखि राम्ररी घाम लाग्ने

फाइल।


केही दिनदेखि जारी रहेको बेलाबेलामा पानी पर्ने क्रम बुधबारपछि रोकिने जल तथा मौसम पूर्वानुमान महाशाखाले जनाएको छ।

महाशाखाकी मौसमविद् गंगा नगरकोटीका अनुसार पश्चिमी क्षेत्रमा अरेबियन सागरबाट आएको वायू र पूर्वी क्षेत्रमा बंगालको खाडीबाट आएको प्रि–मनसुनी वायूले केही दिनदेखि बिहान–बेलुका र राति पानी परिरहेको छ।

‘यो क्रम मंगलबार साँझसम्म रहन्छ,’ नगरकोटीले भनिन्, ‘पर्सिदेखि राम्ररी घाम लाग्छ।’

अरेबियन सागरबाट आएको वायूको प्रभाव नभए पनि स्थानीय वायूका कारण साँझपख हावाहुरी चल्ने र हल्का पानी पर्ने हुन सक्छ।

प्रिमनसुनको समयमा जमीन तातेर विकसित हुने स्थानीय वायूले साँझतिर हावाहुरी आउने गर्छ।

Share:

© 2017 Setopati Sanchar Pvt. Ltd.