काठमाडौंबाट यात्रु बाेकेर झापातर्फ जाँदै गरेको जीप शनिबार बिहान धनुषामा दुर्घटना हुँदा ६ जनाको ज्यान गएको छ भने ४ जना घाइते भएका छन्।
बा ९ च ३३१४ नम्बरको जीप धनुषाको गणेशमान चारनाथ नगरपालिका-८ कमलापुलनजिकै शनिबार बिहान २ः३० बजे दुर्घटना भएको हो। जिल्ला प्रहरी कार्यालय, धनुषाले दुर्घटनाको पुष्टि गर्दै ६ जनाको ज्यान गएको जनाएको छ।
प्रहरीका अनुसार, दुर्घटनामा संखुवासभाका नयाँराज जिमी, मोरङकी शारदा रेग्मी दाहाल र मोरङकै पह्लाह न्यौपानेको ज्यान गएको छ। त्यसैगरी, खोटाङका ज्ञानबहादुर चौहान, मोरङका खेमकुमार रानामगर र पाँचथरकी प्रनिता राईको पनि दुर्घटनामा परी मृत्यु छ।
४ जना घाइते भएका छन्। घाइतेमध्ये १ को अवस्था गम्भीर छ भने अन्य ३ जना साधारण उपचारपछि घर फर्केका छन् । गम्भीर घाइते १ जनाको जनकपुर अञ्चल अस्पतालमा उपचार भइरहेको प्रहरी जनाएको छ।
यसबारे प्रहरीले थप अनुसन्धान भइरहेको बताएको छ।
