प्यूठानमा दुर्घटना, एक बालकको मृत्यु, दुई गम्भीर


प्यूठानमा बसले मोटरसाईकललाई ठक्कर दिँदा एक बालकको मृत्यु भएको छ ।

ऐरावती गाँउपालिका वडा नं. ५ झिवाङ्गमा शनिबार बसले मोटरसाइकललाई ठक्कर दिँदा स्वर्गद्धारी नगरपलिका वडा नं. ३ का ६ वर्षीय बालक अनमोल ठकुरीको मृत्यु भएको जिल्ला प्रहरी कार्यालय प्यूठानले जानकारी दिएको छ।

उक्त दुर्घटनामा परि सोही ठाउँकी ४२ बर्षीय डिल्ली ठकुरी र मोटरसाइकल चालक स्वर्गद्धारी ७ का ३८ बर्षीय गिरुप्रसाद भूसाल गम्भीर घाइते भएका छन्।

बुटवलबाट बरौलातर्फ जादै गरेको बसले मोटर साइकललाईलाई शनिबार दिउँसो ठक्कर दिएको थियो। घाइतेको प्यूठान जिल्ला अस्पताल विजुवारमा उपचार भइरहेको प्रहरीले जानकारी दिएको छ।

लु १ ख ४१३८ नम्वरको बसले लु ३६ प ३३२७ नम्वरको मोटरसाइकललाई ठक्कर दिदा उक्त दुर्घटना भएको थियो।बस र चालकलाई प्रहरीले नियन्त्रणमा लिएको छ ।

Share:

© 2017 Setopati Sanchar Pvt. Ltd.