महाराजगन्ज चक्रपथमा टिप्परको ठक्करबाट मोटरसाइकलमा सवार एक जनाको मृत्यु भएको छ भने अर्का एक गम्भीर घाइते भएका छन्।
महाराजगन्जबाट चाबहिल जाँदै गरेको बा ४ ख ६२७० नम्बरको टिप्परले बा ३४ प ४२८१ नम्बरबो मोटरसाइकललाई ठक्कर दिँदा मोटरसाइकल चालकको घटनास्थलमै मृत्यु भएको हो। मोटरसाइकलको पछाडि बस्ने अर्का एक जनालाई गम्भीर घाइते भएका छन्। उनलाई उपचारका लागि अस्पताल लगिएको छ। टिप्पर र चालकलाई प्रहरीले नियन्त्रणमा लिएको छ।
मृत्यु हुनेमा गोर्खा जिल्ला फुजेल ७ घर भई बालाजु बस्दै आएका २२ बर्षिय सन्तोष श्रेष्ठ रहेको महानगरीय प्रहरी वृत्त महाराजगंजका प्रमुख प्रहरी नायव उपरीक्षक योगेन्द्र सिंह थापाले जानकारी दिएका छन् ।
घाईते निरज राउत को टिचिंग हस्पिटलमा उपचार भईरहेको छ ।
नारायणगोपाल चोक तर्फ ट्रिपर अत्यधिक गतिमा जाँदै थियो । साथै सोहि दिशा तर्फ मोटरसाइकल पनि अत्यधिक गतीमा थियो । दुबै सवारी अत्यधिक गती भएपछि मोटरसाइकल ट्रिपरको बाँयापट्टी ठोक्किन पुग्यो ।
मोटरसाइकल चालकको टाउको ट्रिपरको बाँया पट्टीको भागमा नराम्रो सँग ठोक्कियो र हेल्मेट पनि फुटेर टाउँको समेत फुट्न पुग्यो । पछाडि सवारलाई पनि गम्भिर चोट लाग्न पुग्यो ।
