मकवानपुरमा ट्रिपर दुर्घटना २ म्यादी प्रहरी सहित ३ जनाको मृत्यु

मकवानपुरमा ट्रिपर दुर्घटना २ म्यादी प्रहरी सहित ३ जनाको मृत्यु


मकवानपुरमा ट्रिपर दुर्घटना हुँदा २ म्यादी प्रहरीसहित ३ जनाको मृत्यु भएको छ।

दुर्घटनामा परि अन्य दुई जना घाईते भएका छन्। उनीहरू थाहा नगरपालिका वडा नं १ को बज्रबाराहीमा निर्वाचनका लागि खटिएका थिए।

फर्कने क्रममा उनीहरूले गाडी नपाएपछि ट्रिपरमा यात्रा रोजेका थिए। बिहिबार राती मतपेटिका सहित निर्वाचनका कर्मचारी, दलीय प्रतिनिधि बोकेर निर्वाचनमा खटिएको गाडी फर्किएको थियो।

राती गाडी नपाएपछि बिहान प्रहरीले अर्को गाडि पठाएको थियो। तर त्यसमा पनि नअटेपछि म्यादी प्रहरीले ट्रिपरको यात्रा रोजेका थिए। मकवानपुरका प्रमुख जिल्ला अधिकारी चक्रबहादुर बुढाले दुर्घटना लगत्तै अर्को गाडीमा रहेका म्यादी र प्रहरीले उद्दार गरेको बताए।

दुर्घटना भैँसेको चुनियाँबजारमा भएको हो। ना ३ ख ५३१८ नंम्बरको ट्रिपर दुर्घटना भएको हो। ट्रिपर सडकबाट १ सय ५० मिटर तल खसेको थियो।

Share:

© 2017 Setopati Sanchar Pvt. Ltd.