पाटन औद्योगिक क्षेत्रमा लागेको आगो अझै नियन्त्रणमा आउन सकेन

मंगलबार साँझदेखि ललितपुर औधोगिक क्षेत्रभित्र लागेको आगो। तस्बिरः रवि महर्जन


ललितपुरको पाटन औद्योगिक क्षेत्रमा भित्र लागेको आगो अझै नियन्त्रणमा आउन सकेको छैन ।

आगो निभाउन काठमाडौं, भक्तपुर र ललितपुर तीनै जिल्लाका दमकल खटाइएको र सेना, प्रहरी तथा सशस्त्र प्रहरीको दमकल प्रयोग भइरहेको छ।

यस्तै आगो निभाउन नागरिक उड्डयन प्राधिकरणको पनि सहयोग लिइएको छ । निजी ट्यांकरबाट पनि पानी ओसार्ने र छ्याप्ने काम भइरहेको  छ। मंगलबार बेलुका ६ बजेतिर लागेको आगोले करौडौँको क्षति गरेको छ।

औद्योगिक क्षेत्रभित्र रहेको आनन्द प्लाष्टिक उद्योगबाट सुरु भएको आगलागीले नजिकै रहेको पूर्ण काष्ठ उद्योग र पञ्चकन्या युनिकमा समेत क्षति पुगेको छ। आगोले तीनवटा उद्योगमा धेरै क्षति पुगेको छ ।

तस्बिरहरूः रवि महर्जन/सेतोपाटी

Share:

© 2017 Setopati Sanchar Pvt. Ltd.