Setopati https://setopati.com/ Nepal's Digital Newspaper कमजोर जिरोनासँग रियल म्याड्रिड २-१ ले हार्‍यो, रामोसले बनाए रातो कार्ड खानेमा कीर्तिमान https://setopati.com/sports/football/175513

रियल म्याड्रिड आफ्नो घरेलु मैदानमा जिरोनासँग २-१ गोलले पराजित भएको छ।

स्पेनिस ला लिगा फुटबल अन्तर्गत आइतबार राति सम्पन्न खेलमा तुलनात्मक रुपमा कमजोर जिरोनासँग रियल पराजित भएको हो।

खेलको पहिलो हाफमा अग्रता लिएर पनि रियलले आफ्नो हारलाई रोक्न सकेन र नतिजा जिरोनालाई सुम्पियो।

रियलले खेलको २५ औं मिनेटमा कासेमिरोको गोलबाट अग्रता कायम गरेको थियो। उसको त्यो अग्रतालाई जिरोनाले खेलको ६५ औं मिनेटमा टुङ्गाइदियो। जिरोनाको लागि क्रिष्टियन स्तुआनीले सो गोल गरे।

त्यसैगरी खेलको ७५ औं मिनेटमा रियलका कप्तान सर्जियो रामोसले ह्यान्ड गरेपछि पाएको पेनाल्टीलाई सदुपयोग गर्दै जिरोनाले नतिजालाई निर्णायक २-१ मा पुर्‍यायो। उसका लागि सो गोल पोर्तुगेस मातानेराले दिलाए।

हिजोको खेलमा रामोसले दोहोरो पहेंलो कार्ड खाँदै खेलको ९० औं मिनेटमा मैदानबाट बाहिरिनु परेको थियो। ओभरहेड किक गर्ने क्रममा जिरोनाका पेड्रो एलकालालाई समातेका कारण दोस्रो पहेँलो कार्ड खाँदै मैदानबाट बाहिरिनु परेको हो ।

ला लिगामा यो उनको १९ औं रातो कार्ड हो। १९ औं रातो कार्ड पाएका रामोस स्पेनी शीर्ष लिगमा सर्वाधिक रातो कार्ड पाउने खेलाडी बनेका छन्।

हारसँगै रियलको दोश्रो स्थानमा उक्लिने मौका गुम्यो। २४ खेलबाट ४५ अंक बटुलेको ऊ लिगको तेश्रो स्थानमा छ। तालिकाका बार्सिलोना ५४ अंकसहित शीर्ष स्थानमा रहेको छ भने एथ्लेटिको मेड्रिड ४७ अंकसहित दोश्रो स्थानमा रहेको छ।

 

175513 2019-02-18 07:14:00 एजेन्सी
हेर्नुस् अनुप, वर्षा र माला स्टारर 'पुरानो बुलेट'को ट्रेलर https://setopati.com/art/art-activity/175512

चैत्र १ गते रिलिज हुने ‘पुरानो बुलेट’ सिनेमाले आफ्नो ट्रेलर सार्वजनिक गरेको छ ।

ट्रेलरमा सिनेमाका मुख्य कलाकार अनुप विक्रम शाहरुी, वर्षा सिवाकोटी, माला लिम्बु लगायतका कलाकारलाई ठाउँ दिइएको छ ।

 सार्वजनिक ट्रेलरले सिनेमाले माया, प्रेम र विछोडको कथा प्रस्तुत गर्ने देखाएको छ । 

सार्वजनिक प्रदर्शन अघि ’पुरानो बुलेट’लाई फेब्रुअरी २३ तारिखमा हङकङमा वर्ल्ड प्रिमियर गरिदैंछ ।

सिनेमामा अनुप, बर्षा र मालाका अलवा कविता आले, कृष्णभक्त महर्जन, शिरोमणी दवाडी, शिव मुखिया, दिवज राई लगायत लिड अभिनयमा छन् । बादल श्रेष्ठ, करण धिताल, युडी गुप्ता लगायतको अभिनय पनि ‘पुरानो बुलेट’ मा समावेश छ ।

सिनेमालाई भिषण राईले निर्देशन गरेका हुन्।

175512 चैत्र १ गते रिलिज हुने ‘पुरानो बुलेट’ सिनेमाले आफ्नो ट्रेलर सार्वजनिक गरेको छ । 2019-02-18 06:47:00 सेतोपाटी
पाँचथरमा  बहुविवाह गर्ने जोडी पक्राउ https://setopati.com/social/175511

जेठी श्रीमती हुँदाहुँदै कान्छी श्रीमती विवाह गर्ने र कान्छी श्रीमती बन्न आउने जोडीलाई पाँचथर प्रहरीले पक्राउ गरेको छ ।

भोजपुरको साल्पासिलिछो गाउँपालिका–६ का २५ वर्षीय शक्ति थुलुङ र कान्छी श्रीमती बन्न आउने पाँचथरको फालेलुङ गाउपालिका–८ याङनामकी २९ वर्षीया सम्झना जगेबुलाई प्रहरीले पक्राउ गरेको हो ।

श्रीमान्ले कान्छी श्रीमती भित्र्याएकाले कानूनबमोजिम पक्राउ गरी आवश्यक कारवाहीको माग गर्दै थुलुङकी जेठी श्रीमती सोमिला राईले जिल्ला प्रहरी कार्यालय पाँचथरमा जाहेरी दिएकी थिइन् ।

राईको जाहेरीका आधारमा उक्त जोडीलाई पक्राउ गरिएको प्रहरी निरीक्षक अनिलकुमार पौडेलले बताए । घटनाबारे अनुसन्धान भइरहेको जानकारी उनले दिए ।

(रासस)

175511 थुलुङकी जेठी श्रीमती सोमिला राईले जिल्ला प्रहरी कार्यालय पाँचथरमा जाहेरी दिएकी थिइन् । 2019-02-18 06:34:00 सेतोपाटी
प्रतिष्ठानबाट पशुपति शर्मालाई 'लुट्न सके लुट कान्छा' गीत पुनःयूट्युबमा राख्न आग्रह https://setopati.com/art/art-activity/175510

राष्ट्रिय लोक तथा दोहोरी गीत प्रतिष्ठानले सामाजिक सञ्जालमा विवादित बनेको लोकदोहोरी गायक पशुपति शर्माको ‘लुट्न सके लुट...’ शीर्षकको गीतलाई पुनः यूट्युबमा राख्न आग्रह गरेको छ । प्रतिष्ठानका अध्यक्ष एवं लोक गायक बद्री पङ्गेनीले सोमबार एक विज्ञप्ति जारी गर्दै प्रतिष्ठानका उपाध्यक्षसमेत रहेका शर्माको गीत सुन्न पाउनु दर्शक र श्रोताको अधिकार हो भन्दै शर्मालाई पुनः गीत अपलोड गर्न आग्रह गरेको हो ।

'गीतमा प्रयोग भएका शब्द सार्वजनिक सञ्चारमाध्यममा आइरहेका शब्द हुन् । गीत सङ्गीतमा आउन नहुने भन्ने मापदण्ड छैन तसर्थ, पनि सर्जकद्वारा सिर्जना गरिएको कलाकृति, गीत सङ्गीत लोकले जस्ताको तस्तै सुन्न पाउनु स्रोताको अधिकार भएकाले प्रतिष्ठान कलाकार शर्मालाई उक्त गीत जस्ताको तस्तै पुनःअपलोड गर्नुहुन अनुरोध गर्दछ', विज्ञप्तिमा भनिएको छ ।

गायक शर्माको गीतमा प्रयोग भएका शब्दमा कलाकार आफैँलाई ‘फेर्न योग्य’ लागेर गीत हटाउनुभएको हो भने त्यो उहाँको निजी स्वतन्त्रताको कुरालाई संस्था सम्मान गर्दछ तर कुनै दबाब या अन्य कारणले हटाएको हो भने गीतलाई जस्ताको तस्तै अपलोड गरी आइपर्ने अन्य विषय छलफलद्वारा समाधान खोज्न संस्था अगुवाइ गर्न तयार रहको जनाएको छ ।

शर्माको गीत यूट्युबमा भाइरल भएपछि गीतमा प्रयोग भएका केही शब्दलाई लिएर सम्बन्धित निकायको दबाबपछि शनिबार हटाइएको शर्माले आफ्नो फेसबुक स्टाटस लेख्दै गीत हटाएका थिए ।

उनले केही साथीभाइ तथा शुभचिन्तकको सल्लाह सुझावबमोजिम शब्द परिमार्जन गरी पुनःसार्वजनिक गर्ने उल्लेख गरेका थिए । यो विषयले शनिबार र आइतबार सामाजिक सञ्जालमा निकै चर्चा पायो ।

शर्माको गीतमा सार्वजनिक पदधारणा गरेको व्यक्तिप्रति सामाजिक मर्यादामा आँच आउने खालका शब्द प्रयोग गरिएको भन्दै व्यापक जनसमुदायको विरोधपछि शर्माले उक्त गीतलाई हटाएका थिए ।

175510 शर्माको गीत सुन्न पाउनु दर्शक र श्रोताको अधिकार हो भन्दै शर्मालाई पुनः गीत अपलोड गर्न आग्रह गरेको हो । 2019-02-18 06:26:00 सेतोपाटी
कालिञ्चोकको हिउँमा अलपत्र सात सय पर्यटकको उद्धार https://setopati.com/social/175509

प्रहरीले हिउँमा अलपत्र परेका झण्डै ७०० पर्यटकको कालिञ्चोकबाट उद्धार गरेको छ । नेपाल प्रहरी र सशस्त्र प्रहरीको टोलीले करीब १२० सवारीसाधनमार्फत पर्यटकको उद्धार गरेको हो ।

शनिबार साँझदेखि हिमपातका कारण दोलखाको कालिञ्चोक भगवती मन्दिर दर्शन गर्न गएका पर्यटक बीच बाटोमा अलपत्र परेका थिए ।

प्रहरी निरीक्षक माधवप्रसाद काफ्लेको नेतृत्वमा नेपाल प्रहरी र सशस्त्र प्रहरीको २२ जनाको संयुक्त उद्धार टोली खटिएको थियो । टोलीले आजसम्म उद्धार कार्य जारी राखेको छ ।

(रासस)

175509 शनिबार साँझदेखि हिमपातका कारण दोलखाको कालिञ्चोक भगवती मन्दिर दर्शन गर्न गएका पर्यटक बीच बाटोमा अलपत्र परेका थिए । 2019-02-18 06:15:00 सेतोपाटी
राष्ट्रपतिसँग सत्तापक्ष र प्रतिपक्षका नेताहरुको भेटवार्ता https://setopati.com/politics/175508

राष्ट्रपति विद्यादेवी भण्डारीसँग आज साँझ प्रधानमन्त्री केपी शर्मा ओलीसहित नेपाल कम्युनिष्ट पार्टी (नेकपा)का अध्यक्ष र प्रमुख प्रतिपक्ष दल नेपाली काङ्ग्रेसका सभापति शेरबहादुर देउवाले भेटवार्ता गरेका छन् ।

राष्ट्रपति भण्डारीको निमन्त्रणमा शीतल निवासमा नेकपा अध्यक्षद्वय ओली र पुष्पकमल दहाल‘प्रचण्ड’, प्रमुख प्रतिपक्ष दलका नेता देउवा र काङ्ग्रेस उपसभापति विजयकुमार गच्छदार राष्ट्रपति कार्यालय पुगेका हुन् । सो भेटमा उनीहरुले राष्ट्रपति भण्डारीसँग समसामयिक विषयमा छलफल गर्नुभएको राष्ट्रपतिको स्वकीय सचिवालयले जनाएको छ ।

(रासस)

175508 उनीहरुले राष्ट्रपति भण्डारीसँग समसामयिक विषयमा छलफल गर्नुभएको राष्ट्रपतिको स्वकीय सचिवालयले जनाएको छ । 2019-02-18 06:11:00 सेतोपाटी
अघिल्लो वर्षको आर्थिक बृद्धिदर ६.३ प्रतिशत https://setopati.com/kinmel/others/175506

अघिल्लो वर्ष नेपालको आर्थिक बृद्धिदर ६.३ प्रतिशत रहेको सरकारले संसोधित अनुमान गरेको छ। गत वर्षको बजेटको वार्षिक प्रतिवेदन प्रस्तुत गर्दै अर्थ मन्त्रालयले उक्त संसोधित अनुमान गरेको छ। यसअघि सरकारले अघिल्लो वर्ष ५.९ प्रतिशतले बढेको अनुमान गरेको थियो।

२०७३÷०७४ मा ७.९ प्रतिशतले बढेको मुलुकको कूल ग्राहस्थ उत्पादन अघिल्लो वर्ष ६.३ प्रतिशतले विस्तार भएको मन्त्रालयले उल्लेख गरेको छ। अघिल्लो वर्ष २०
६१÷०६२ पछिको न्यून मूल्य बृद्धि कायम भएको मन्त्रालयले जानकारी दिएको छ। मन्त्रालयका अनुसार उपभोक्ता मूल्यबृद्धि ४.२ मा सिमित भएको छ।


विश्व बैंकले अघिल्लो वर्ष नेपालको आर्थिक बृद्धिदर ६.३ प्रतिशतले भएको अनुमान गरेको थियो।

२० प्रतिशतले राजस्व बढेर ७ खर्ब ३२ अर्ब २३ करोड संकलन भएको मन्त्रालयले जानकारी दिएको छ। लक्ष्यभन्दा २ अर्ब बढी राजस्व संकलन भएको हो।

३८ प्रतिशतले बढेर ६ खर्ब ९६ अर्ब ९२ करोड चालु खर्च भएको उक्त वर्षमा २ खर्ब ७० अर्ब पुँजीगत खर्च भएको छ।

खर्च शिर्षकमा कर्मचारीको तलबमा ८५ अर्ब ४ करोड रुपैयाँ खर्च भएको छ। यस्तै स्थानीय भत्तामा ९८ करोड र महंगी भत्ता बापत ३ अर्ब ४ करोड खर्च भएको छ।

फिल्ड भत्ताको नाममा ११ करोड खर्चिएको सरकारले अन्य भत्तामा ४ अर्ब ८४ करोड रुपैयाँ खर्चिएको छ।

अघिल्लो वर्ष सरकारले औषधि उपचारको नाममा ३९ करोड रुपैयाँ खर्च गरेको छ। विभिन्न उच्चपदस्थ तथा कर्मचारीको उपचारमा यस्तो रकम खर्च हुन्छ।

गएको वर्ष सरकारले घरभाडा बापत १ अर्ब ९२ करोड रुपैयाँ खर्च गरेको छ भने इन्धनमा २ अर्ब ८४ करोड रुपैयाँ खर्च गरेको छ। इन्धन शिर्षकमै सरकारले अर्को २० करोड खर्चिएको छ।

कार्यक्रम शिर्षकमै सरकारले १२ अर्ब ५४ करोड खर्च गरेको छ। अनुगमन तथा मूल्यांकनको नाममा १ अर्ब ६३ करोड खर्च गरेको सरकारले ३ अर्ब २६करोड रुपैयाँ भ्रमणमा खर्चिएको छ। त्यस्तै अति विशिष्ट व्यक्ती तथा प्रतिनिधि मण्डलको भ्रमणमा ४ करोड ४६ लाख खर्च भएको छ।

वैदेशिक र आन्तरिक ऋणको ब्याजमात्र सरकारले १६ अर्ब भुक्तानी गरेको छ।

गएको वर्ष सरकारले २८ अर्ब ९३ करोड रुपैयाँको जग्गा खरिद गरेको छ भने ३५ अर्ब ७३ करोड रुपैयाँको भवन निर्माण गरेको छ। त्यस्तै सरकारले ८८ करोड रुपैयाँको भवन खरिद गरेको छ। सरकारले फर्निचरजन्य सामग्रीमात्र १ अर्ब रुपैयाँको खरिद गरेको छ। सरकारले ६ अर्ब ६१ करोड रुपैयाँको सवारीसाधन किनेको छ।

अघिल्लो वर्ष देशभर कूल १ खर्ब ७० अर्बको सार्वजनिक निर्माण भएको छ।

175506 अघिल्लो वर्ष नेपालको आर्थिक बृद्धिदर ६.३ प्रतिशत रहेको सरकारले संसोधित अनुमान गरेको छ। 2019-02-17 21:48:00 सेतोपाटी संवाददाता
निसानको 'किक्स एसयुभी 'नेपाल भित्रियो, मूल्य ४८ देखि ६० लाखसम्म https://setopati.com/kinmel/automobiles/175505

नेपालका लागि निसान मोटर्सको आधिकारिक बिक्रेता पायोनियर मोटो कर्पले निसान किक्स आजदेखि नेपाली बजारमा ल्याएको छ।

१४९८ सिसि इन्जिन क्षमताको निसान किक्सले ५६०० आरपिएममा १०६ विपिएच पावर र ४००० आरपिएममा १४२ एनएम टर्क जेनेरेट गर्छ। यसको फराकिलो इन्टेरियर र आकर्षक एक्टिरियरले ग्राहकहरुलाई आकर्षित गर्ने कम्पनीको दावी छ।

यसमा ८ इन्चको टच स्क्रिन छ, जसलाई एन्ड्रोइड तथा एप्पल प्रणालीद्धारा संचालन गर्न सकिन्छ साथै यसमा एलइडी प्रोजेक्टरको हेड ल्याम्प, अटोमेटिक क्लाइमेट कन्ट्रोल, कूल र इलुमिनेटेड ग्लोभ बक्स, क्रुज कन्ट्रोल,भ्वाइस रिकग्निसन, गाडी स्टार्टको लागि साँचो नचाहिने स्मार्ट कार्ड, चालकको लागि हाइट मिलाउन मिल्ने सिट, दुईवटा एयरब्याग र ईबीडी र बीए सहितको एबीएस समावेश गरिएको छ।

किक्सको डिजेल ईन्जिनमा एक्सएल, एक्सभि र एक्सभि प्रिमियम गरी तिन ओटा र पेट्रोल ईन्जिनमा एक्सएल र एक्सभि गरी ५ वटा अप्सनमा उपलब्ध छ।

यो पर्ल ह्वाइट, ब्लेड सिल्भर, ब्रोजन ग्रे, फायर रेड, एम्बर अरेन्ज, जीप ब्लु पर्ल र नाइट सेड ७ वटा आकर्षक रङ्गहरुमा उपलब्ध छ।

कम्पनीले यसको मूल्य ४७ लाख ९९ हजारदेखि ५९ लाख ९९ हजारसम्म निर्धारण गरेको छ।

यसको पेट्रोल इन्जिनले प्रतिलिटर १४.२३ किलोमिटर र डिजेल इन्जिनले प्रतिलिटर २०.४५ किलोमिटर गाडी माइलेज दिने कम्पनीको दावी छ।

विश्वस्तरीय नयाँ सवारी साधन नेपाली उपभोक्ता संग ल्याउन सकेकोमा खुसी लागेको पायोनियर मोटो कर्पका प्रबन्ध निर्देशक सन्दीपकुमार सारदाले बताए।

‘यसले नेपालीको अभिरुचि पूरा गर्नेछ साथै यसबारे नेपालीहरुमा रहेको उत्सुकता पूरा गरेको छ र हामीलाई विश्वास छ कार प्रेमी नेपालीहरुको मन जित्नेछ’ उनले भने।

175505 यसमा एलइडी प्रोजेक्टरको हेड ल्याम्प, अटोमेटिक क्लाइमेट कन्ट्रोल, कूल र इलुमिनेटेड ग्लोभ बक्स, क्रुज कन्ट्रोल,भ्वाइस रिकग्निसन, गाडी स्टार्टको लागि साँचो नचाहिने स्मार्ट कार्ड, चालकको लागि हाइट मिलाउन मिल्ने सिट, दुईवटा एयरब्याग र ईबीडी र बीए सहितको एबीएस समावेश गरिएको छ। 2019-02-17 21:04:00 सेतोपाटी संवाददाता
'जनताको जलविद्युत कार्यक्रम'का लागि छुट्टै कानूनी व्यवस्था https://setopati.com/kinmel/banking/175504

'जनताको जलविद्युत कार्यक्रम'का लागि धितोपत्र बोर्डले छुट्टै कानूनी व्यवस्था गरेको छ।

गत बिहीबार प्रधानमन्त्री केपीशर्मा ओलीले जनताको १ खर्ब २ अर्ब सेयर लगानीमा आयोजनाहरु निर्माण गर्नेरी जनताको जलविद्युत कार्यक्रम घोषणा गरेका थिए। झण्डै ७ खर्बको लगानीमा १९ आयोजना बनाउनेगरी ल्याइएको यो कार्यक्रमका लागि धितोपत्र बोर्डले थप कानूनी व्यवस्था गरेको हो।

अर्थ मन्त्रालयको निर्देशनमा बोर्डले धितोपत्र दर्ता तथा निष्काशन नियमावलीमा संशोधन गरी केही व्यवस्था थपेको हो। आयोजना निर्माण सुरु हुनुअघि कुनै पनि कम्पनीले अग्रिम रुपमा सेयर जारी गरी रकम उठाउन नपाउने व्यवस्था छ।

तर यो कार्यक्रममार्फत बन्ने आयोजनाका लागि शेयरको सार्वजनिक निष्काशन गर्दा शेयर खरिद गर्न चाहने आवेदकले आवेदन साथ शेयरको चुक्ता मूल्यको दश प्रतिशत रकम दाखिल गर्नुपर्ने गरी आवेदन माग गर्न सक्ने व्यवस्था गरिएको छ।

यसको अर्थ सेयर खरिद गर्न चाहनेबाट १० प्रतिशत रकम आवेदनसँगै अग्रिम रुपमा माग गर्न सक्नेछ। सो रकमको वार्षिक निश्चित व्याज वा प्रतिफल दिन सक्ने व्यवस्था गरिएको छ। यस्तो व्याज शेयरको चुक्ता हुन बाँकी रकममा मिलान गर्न सकिने व्यवस्था समेत गरिएको छ ।

आयोजनाको निर्माणको काम कम्तीमा पचास प्रतिशत भौतिक प्रगति भएपछि कम्पनीले शेयरधनीसँग चुक्ता हुन बाँकी (९० प्रतिशत) रकम माग गर्न सक्ने व्यवस्था गरिएको छ। त्यसअघि संस्थापकको भने सम्पूर्ण लगानी प्राप्त भइसकेको हुनुपर्नेछ।

सेयरधनीबाट बाँकी ९० प्रतिशत रकममध्ये सम्पूर्ण रकम प्राप्त नभएमा कम्पनीले त्यसरी चुक्ता हुन बाँकी रकम बराबरको शेयर अन्य इच्छुक खरिदकर्तालाई बिक्री गर्न  वा सरकार आफैले लिन सक्नेछ। तर बिक्री गर्नुअघि सार्वजनिक सूचनामार्फत एक महिनाको समय अवधि दिई सम्बद्ध व्यक्तिलाई अवसर दिनुपर्नेछ।

आयोजनाको विस्तृत डिजाइन प्रतिवेदन वा आयोजनाको कुल लागत अनुमान र निर्माण अवधि खुलाएर आधिकारिक विबरण तयार भएपछि आयोजना निर्माणका लागि डिबेञ्चर समेत निष्काशन गर्न सक्ने व्यवस्था गरिएको छ।

शेयरको रकम शतप्रतिशत चुक्ता भए पश्चात त्यस्तो शेयर धितोपत्रको दोश्रो बजारमा कारोबार हुन सक्ने व्यवस्था समेत गरिएको छ।

 

 

175504 अर्थ मन्त्रालयको निर्देशनमा बोर्डले धितोपत्र दर्ता तथा निष्काशन नियमावलीमा संशोधन गरी केही व्यवस्था थपेको हो। यो कार्यक्रममार्फत बन्ने आयोजनाका लागि शेयरको सार्वजनिक निष्काशन गर्दा शेयर खरिद गर्न चाहने आवेदकले आवेदन साथ शेयरको चुक्ता मूल्यको दश प्रतिशत रकम दाखिल गर्नुपर्ने गरी आवेदन माग गर्न सक्ने व्यवस्था गरिएको छ। 2019-02-17 20:20:00 सेतोपाटी संवाददाता
अख्तियारको ‘जिरो आवर’मा पाठकलाई मुद्दा लगाउनेबारे छलफल https://setopati.com/politics/175503

आयोगको आयुक्तबाट राजीनामा दिएका राजनारायण पाठकमाथि छानबिन गर्नेबारे अख्तियार दुरूपयोग अनुसन्धान आयोगले छलफल गरेको छ।

पाठकले भक्तपुरको चांगुनारायणस्थित नेपाल इन्जिनियरिङ कलेजका सञ्चालकसँग घूस लिएको समाचार बुधबार सार्वजनिक भएको थियो। सत्तारूढ दल नेपाल कम्युनिष्ट पार्टीले महाअभियोग लगाउने तयारी गरेपछि पाठकले राजीनामा दिएका थिए।

राजीनामा दिए पनि घूस लिएका आयुक्तलाई कारबाही गर्नुपर्ने दबाब अख्तियारलाई छ।

आइतबार अख्तियारका पदाधिकारीहरूको ‘जिरो आवर’मा उनीमाथि कारबाही गर्ने विषयमा छलफल भएको हो। प्रमुख आयुक्त  र आयुक्तहरू खाजा समयपछि भेट भएर विभिन्न विषयमा छलफल गर्छन्। यस्तो अनौपचारिक छलफल गर्ने भेटघाटलाई ‘जिरो आवर’ भन्ने गरिन्छ।

आइतबारको जिरो आवरमा शुक्रबार राजीनामा दिएका पाठकमाथि कसरी अनुसन्धान अघि बढाउन सकिन्छ वा सकिँदैन भन्ने छलफल भएको अख्तियार स्रोतले जानकारी दियो।

‘हाम्रो जिरो आवरमा अनौपचारिक छलफल भएको थियो। उहाँमाथि अनुसन्धान गर्ने र मुद्दा चलाउनेबारे अनौपचारिक छलफल भयो,’ स्रोतले भन्यो, ‘अरूले घुस लिँदा हामीले कारबाही अघि बढाउने र उहाँलाई छोड्न मिल्दैन भन्ने कुरा पनि उठ्यो। तर संविधानले स्पष्ट व्यवस्था गरेको छैन कसरी कारबाही गर्ने भन्ने अलमल नै छ।’

छलफलमा अख्तियारकै आयुक्तले घूस लिँदा अख्तियारको साख गिरेको भन्दै आयुक्तहरूले छलफल सुरू गरेका थिए। अख्तियार आयुक्त संवैधानिक पद भएकाले उनलाई कारबाही पनि संविधानको व्यवस्था अनुसार गर्नुपर्ने कुरा उठ्यो।

पाठकमाथि महाअभियोग लागेको भए कारबाही गर्न मिल्थ्यो राजीनामा दिएकाले मिल्दैन कि भन्ने पनि प्रश्न बैठकमा उठेको स्रोतले बतायो।

संविधानको धारा २३९ को उपधारा २ मा  महाअभियोग लाग्ने व्यक्तिलाई पदमुक्त भएपछि अख्तियारले नै अनुसन्धान गर्न र गराउन सक्ने उल्लेख छ।  त्यही धाराको उपधारा ३मा त्यस्ता व्यक्तिले भ्रष्टाचार मानिने काम गरेको देखिए अदालतमा मुद्दा चलाउन सक्ने उल्लेख छ।

कतिपयले पाठकमाथि कारबाही गर्न नमिल्ने तर्क गरिरहेका छन्। महाअभियोग लागिसकेपछि भ्रष्टाचारमा पनि कारबाही गर्न मिल्ने, नभए नमिल्ने उनिहरूको जिकिर छ। यही कुरालाई लिएर अख्तियारका पदाधिकारी पनि अलमलिएका हुन्।

‘पाठकमाथि कारबाही नगर्ने भन्ने कोही छैन। तर सर्वोच्च अदालतले संविधानमा भएको अस्पष्ट व्यवस्थालाई व्याख्या गरि स्पष्ट गरिदिएको भए वा गरिदिने भए सजिलो हुन्थ्यो भन्ने कुरा जिरो आवरमा चलेको थियो,’ स्रोतले भन्यो।

कतिपयले भने उनीमाथि अनुसन्धान गर्ने र कारबाही गर्नै बाटो खुलै भएको बताइरहेका छन्।

‘अख्तियारले आफ्नो संवैधानिक, कानुनी जिम्मेवारी पुरा गर्ने हो भने पाठकमाथि थप अनुसन्धान हुनसक्छ,’ अख्तियारमा काम गरिसकेका एक सरकारी वकिलले भने, ‘संविधानको धारा २३९को उपधारा २ र ३को व्यवस्था अनुसार पाठकलाई अख्तियारले नै छानविन गरि मुद्दा चलाउन सक्छ।’

अख्तियारले उक्त घुसकाण्डमाथि छानविन अघि बढाउने हो भने पाठकलाई १२ वर्षसम्म जेल र बिगोबमोजिम जरिवाना गर्न सकिने कानुन छ।

स्वामित्व विवादमा रहेको इन्जिनियरिङ कलेजका सञ्चालक लम्बोदर न्यौपानेले आयुक्त पाठकलाई ७८ लाख घूस दिएको समाचार र भिडियो सार्वजनिक भएको थियो।

यदि यही घुस प्रकरणलाई लिएर अख्तियारले अदालतमा मुद्दा चलायो र त्यो प्रमाणित भयो भने पाठक कम्तिमा ९ देखि१२ वर्षसम्म जेल जान सक्छन्।

भ्रष्टाचार निवारण ऐन २०५९ को दफा ३ ले घुस लिने  व्यक्तिलाई विगो बमोजिम जरिवाना गर्नुपर्ने भनेको छ। उक्त दफामा ५० लाख देखि १ करोडसम्म घुस लिने व्यक्तिलाई ६ वर्ष देखि ८ वर्षसम्मको कैद हुने पनि भनिएको छ।

यही ऐनको उपदफा २४ मा राष्ट्रपतिले नियुक्त गर्ने संवैधानिक निकायका पदाधिकारीले घुस लिएको प्रमाणित भए थप तीन वर्षसम्म कैद सजाय पाउने उल्लेख छ।

अख्तियारको आयुक्त हुँदा उनले घुस लिएको प्रमाणित भए यी दुवै व्यवस्था अनुसार ९ देखि १२ वर्षसम्म कैद र ७८ लाख नै जरिवाना तिर्नुपर्ने छ। त्यसमाथि उनले घूस लिएको रकम बराबरको सम्पत्ति जफत हुने छ।

संसदमा दुईतिहाई भएको सरकारले उनले घूस मागेको कुरा थाहा पाएर पनि महाअभियोगको कुरा अघि चार महिना सम्म चुपचाप बसेको सार्वजनिक भएपछि उनीमाथि थप कारबाही हुनेमा कतिले आशंका गरेका छन्।

तर उनी माथि अनुसन्धान र मुद्दा अघि नबढाई चुप बस्न अख्तियारलाई सजिलो हुने छैन। अरु माथि अख्तियार दुरुपयोगको कार्वाही चलाउने आफ्नै आयुक्तमाथि विरुद्दको यति गम्भिर मुद्दा अघि बढाउन चुक्यो भने उसले अरूमाथि भ्रष्टाचारमा कारबाही चलाउने नैतिक आधार नै गुमाउने छ।

 

175503 ‘हाम्रो जिरो आवरमा अनौपचारिक छलफल भएको थियो। उहाँमाथि अनुसन्धान गर्ने र मुद्दा चलाउनेबारे अनौपचारिक छलफल भयो,’ स्रोतले भन्यो, ‘अरूले घुस लिँदा हामीले कारबाही अघि बढाउने र उहाँलाई छोड्न मिल्दैन भन्ने कुरा पनि उठ्यो। तर संविधानले स्पष्ट व्यवस्था गरेको छैन कसरी कारबाही गर्ने भन्ने अलमल नै छ।’ 2019-02-17 19:15:00 शोभा शर्मा
नेपाली महिलालाई बेलायती सेनाबाट फिर्ता गर्ने समितिको निर्णयमाथि सांसदकै प्रश्न https://setopati.com/politics/175501

शुक्रबार प्रतिनिधि सभाको अन्तर्राष्ट्रिय सम्बन्ध समितिले नेपाली महिलालाई बेलायती सेनामा भर्ती हुनबाट रोक्न सरकारलाई दिएको निर्देशनमाथि प्रश्न उठेको छ।

समितिले दिएको निर्देशनले गोर्खा भर्तीमा पुरुष र महिला भर्तीलाई छुट्टाछुट्टै ढंगले व्याख्या गरेको थियो। हाल नेपाली पुरुषहरू बेलायती सेनामा भर्ना हुँदै आएका छन्। बेलायतले आफ्नो सेनामा नेपाली महिलालाई पनि सहभागी गराउन यसैवर्षबाट भर्ना सुरू गरेको थियो। तर संसदको समितिले महिला भर्ती रोक्न र भर्ती भएको भए फिर्ता गर्न सरकारलाई निर्देश गरेको हो।

समितिमा रहेकी नेपाली कांग्रेसकी सांसद पुष्पा भुषालले समिति सभापति पवित्रा निरौला खरेलले ‘गोर्खा सैनिकलाई भएको विभेदलाई’ लिएर महिला र पुरुषलाई फरक ढंगले व्याख्या गरिएकोमा आपत्ति जनाएकी छिन्।

‘महिला भर्ती गर्नु हुँदैन भन्ने पक्षमा म छैन’, भुषालले सेतोपाटीसँग भनिन्, ‘सरकारको धारणा थाहा पाउनुपर्छ भनेर मैले बैठकमा भनेको थिएँ। तर म निर्णयका बेला बाहिरिएको थिएँ।’

 समितिको निर्णयमा भनिएको छ, ‘नेपाल सरकारको सहमतिबिना नेपाली महिलाहरूलाई बेलायती सेनामा भर्ती गर्ने कार्य तुरुन्त बन्द गरियोस् र केही समय अघि भर्ती भएका महिलाहरूलाई फिर्ता बोलाइयोस्।’

भुषालले भने महिलालाई अवसर दिन हुन्न भन्ने किसिमको निर्णय आएको बताइन्।

‘महिला सेनामा भर्ती हुनु हुँदैन भन्न मिल्दैन’, भुषालले भनिन्, ‘नेपालभित्र भर्ती हुँदा सरकारलाई जानकारी गराउनुपर्छ भन्ने हाम्रो साझा धारणा हो।’

समितिमा रहेका नेकपाका सांसद दीपक प्रकाश भट्टले पनि महिला भर्ती नयाँ अध्याय भएकाले समितिले सरोकार राखेको दाबी गरे।

‘महिला भर्ती सरकारसँग छलफलको विषय हुनुपर्थ्यो’, भट्टले भने, ‘जानकरी र छलफल नगरी नयाँ कुरा कसरी भयो। उनीहरूको सरकारको नीति हामीले मान्नु पर्ने बाध्यता छैन। यति लामो दौत्य सम्बन्ध भएको उनीहरू छलफल गर्न आउनुपर्ने हो।’

उनले बेलायती राज्यमन्त्रीले छिट्टै नेपाल भ्रमण गर्न लागेकाले यस विषयमा छलफल चाहेको बताए।

भट्टले महिलालाई भर्ती रोक्ने विषयमा गरिएको निर्णयलाई परराष्ट्र नीतिको समिक्षाको चरणबाट बुझ्नुपर्ने तर्क गरे।

‘राजनीतिक स्थायित्वको युगतर्फ मुलुक अगाडि बढेको छ’, भट्टले भने, ‘फ्रेन्च आर्मीमा र अमेरिकी आर्मीमा समेत नेपाली जान थालेका छन्। अब छलफल आवश्यक छ। महिला रिक्रुट गर्नुपर्ने विषयमा सरकारसँग कुरा गर्न बेलायत आउनुपर्‍यो।’

कांग्रेस सांसद पुष्पा भुषालले परराष्ट्र मन्त्री प्रदीप ज्ञवालीले बेलायती सेनामा महिला भर्तीको विषयमा जानकारी नभएको बताएपछि उक्त विषयले समितिमा प्रवेश पाएको बताइन्।

‘महिलालाई भर्ती रोक्ने, प्रहरीमा माथि पुग्ने गरी भर्ती गर्न हुन्न, ठूलो र्‍याङ्कमा जान मिल्दैन भन्न त मिलेन, अवसर दिन हुन्न भन्ने हैन’, भुषालले भनिन्, ‘भोलि सुरक्षाको कुरा होला। सरकारको दायित्व हुन्छ। आफ्नो नागरिकबारे भूमिका खेल्नुपर्छ। सरकार मौन बस्नु हुँदैन। भर्ती गर्नु हुन्न भन्ने धारणा मेरो छैन।’

175501 शुक्रबार प्रतिनिधि सभाको अन्तर्राष्ट्रिय सम्बन्ध समितिले नेपाली महिलालाई बेलायती सेनामा भर्ती हुनबाट रोक्न सरकारलाई दिएको निर्देशनमाथि प्रश्न उठेको छ। 2019-02-17 18:47:00 सेतोपाटी संवाददाता
समयमै विकास खर्च गर्ने कर्मचारी र ठेकेदारलाई प्रोत्साह गर्न सुझाव https://setopati.com/kinmel/others/175500

अर्थ मन्त्रालयले मुलुकको बजेटमा विकास निर्माणका लागि भनेर विनियोज गरिएको रकम समयसीमाभित्रै रहेर नियमित खर्च गर्न विभिन्न सुत्र सिफारिस गरेको छ।

समयमै खर्च गर्नका लागि ९ वटा बुँदाका उपाया सुझाएको मन्त्रालयले कमृचारी र ठेकेदालाई प्रोत्साहदेखि काम नगर्नेलाई कारबाहीसम्मको सुझाएको छ।

मन्त्रालयले कुनै पनि परियोजना तयार भएपछिमात्र बजेट विनियोजन गर्नुपर्नें, त्यसरी छानिएको परियोजनामा आवस्यक जनशक्ती तयार पार्नुपर्ने सुझाएको छ।

मन्त्रालयले आयोजना हेर्नेगरी स्थापना भएका कार्यालयमा जथाभावी सरुवा गर्ननहुने बताएको छ। नेतृत्वमा रहेका कर्मचारीकिो सरुवालाई अनुमानयोग्य बनाउनुपर्ने मन्त्रालयको ठहर छ।

कर्मचारीको कार्यसम्पादन मूल्यांकन गर्दा आयोजनाको प्रगति विवरणलाई समावेस गरी नम्बर दिने पद्धतिको विकास गर्नुपर्ने मन्त्रालयको अर्को सुत्र रहेको छ।

पहिलो चौमासिकमा खरिदप्रक्रिया नसकिएका आयोजनाको विश्वायोग्य कारण दिन नसकिएमा विनियोजित बजेट फिर्ता गर्ने व्यवस्था मिलाउनुपर्ने मन्त्रालयले सुझाएको छ।

 

175500 2019-02-17 18:36:00 सेतोपाटी संवाददाता
तिलोत्तमा गोल्डकपः सुनसरीलाई हराउँदै आयोजक रूपन्देही-११ सेमिफाइनलमा https://setopati.com/sports/football/175502

सुनसरीलाई सडन डेथमा हराउँदै आयोजक रूपन्देही ११ बुटवलमा जारी तिलोत्तमा गोल्डकपको सेमिफाइनलमा प्रवेश गरेको छ। घरेलु टोलीलाई जिताउन सवी गुरूङ र निशान न्यौपानेले गोल गरे।

रूपन्देहीको एन्फा एकेडेमीमा सम्पन्न आइतबार खेलमा निर्धारित समयसम्म दुवै टोलीले गोलरहित बराबरी खेलेका थिए। त्यसपछि खेलको निर्णयका लागि ट्राईब्रेकरमा धकेलियो। ट्राईब्रेकरमा पनि दुवै टिमले समान ३-३ गोल गरे।

सुनसरीका खेलाडीको पेनाल्टी रोक्दै रूपन्देहीका गोलकिपर किशोर गिरी । तस्बिरः भगवती पाण्डे/सेतोपाटी

पेनाल्टी सुटआउटमा रुपन्देही ११ का अनुप गुरूङ र गोलकिपर किशोर गिरीको प्रहार सुनसरीका गोलकिपर पूर्ण चेम्जोङले बचाएका थिए। यस्तै सुनसरीका मनिन्द्र याख्खा र दिपेन तामाङको प्रहार रूपन्देहीका गोलकिपर किशोर गिरीले बचाएका थिए।

यसबाट पनि खेलको नतिजा नआए पछि सडन डेथबाट खेलको निर्णय लिइएको थियो। सडन डेथमा सुनसरीका रमेश राजवंशीले हानेको बल गोलपोष्टमा छिरे पनि उमेश राईको प्रहार पोष्टको बारमा लागेर फर्किएको थियो।

यसअघि तीन जना विदेशी खेलाडीसहित घरेलु मैदानमा उत्रिएको रूपन्देही ११ ले खेल अवधीभर पाएका प्रयाप्त अवसरलाई सदुपयोग गर्न सकेन। रूपन्देहीका टिम म्यानेजर मुकेश कुँवरले खेल अवधिभर गोल गर्ने प्रयाप्त अवसर पाए पनि फिनिसिङको कमजोरीले गोल गर्ने नसकेको प्रतिक्रिया दिए।

‘प्रतियोगिताको अन्य तयारीमा लाग्दा खेलप्रति समय दिन नसकिएकोले केही कमजोरीहरू छन्। तर पनि सेमिफाईनलमा यसलाई सुधारेर जानेछौ,’ उनले भने।

सुनसरीका प्रशिक्षक श्याम मानन्धरले खेलाडीहरुका बिचमा तालमेल रहे पनि पाएका केही राम्रा अवसर खेर फाल्दा पराजित हुनुपरेको प्रतिक्रिया दिए।

‘नतिजा टिमको पक्षमा नआए पनि आफ्नै क्लबबाट उत्पादित खेलाडीले गरेको प्रदर्शनलाई नराम्रो भन्न मिल्दैन,’ उनले भने।

आयोजक रुपन्देही ११ का विदेशी खेलाडी रामजी म्यान अफ दी म्याच भएका छन्। उनले १० हजार नगद पुरस्कार र गिफ्ट ह्याम्पर पाए।

प्रतियोगिता अन्तर्गत सोमबारको खेल सिएमसी संकटा क्लब काठमाडौं र च्यासल युवा क्लब काठमाडौंका बिचमा हुनेछ।

175502 रूपन्देहीको एन्फा एकेडेमीमा सम्पन्न आइतबार खेलमा निर्धारित समयसम्म दुवै टोलीले गोलरहित बराबरी खेलेका थिए। त्यसपछि खेलको निर्णयका लागि ट्राईब्रेकरमा धकेलियो। ट्राईब्रेकरमा पनि दुवै टिमले समान ३-३ गोल गरे। 2019-02-17 18:25:00 भगवती पाण्डे
बेलायती सेनामा पुरुष जान दिने, महिलालाई किन रोक्ने? https://setopati.com/politics/175499

संसदको अन्तर्राष्ट्रिय सम्बन्ध समितिले बेलायती सेनामा नेपाली महिलाहरूको भर्ती रोक्नु भनेर निर्देशन दिएको छ।

बेलायती सेनामा नेपाली पुरुष भर्ना भइरहेको सन्दर्भमा यो निर्देशन विभेदकारी देखिन्छ।

सेतोपाटीका मनोज सत्यालले समिति सभापति पवित्रा निरौला खरेललाई भेटेर संविधानले महिला/पुरुषलाई समान भनेको अवस्थामा किन यस्तो विभेदकारी निर्देशन दिएको भनेर सोधेका छन्। निरौलासँग गरिएको कुराकानीको सम्पादित अंश:

तपाईंहरूले महिलालाई बेलायती सेनामा भर्ती रोक भनेर किन निर्देशन दिनुभएको?

नेपाल र बेलायतबीच समय-समयमा विभिन्न सन्धी सम्झौता भैरहेको सन्दर्भमा नेपाली महिलालाई बेलायती सेनामा पठाउनेबारे दुई देशबीच सन्धी सम्झौता केही भएको छैन। सन्धी सम्झौता केही नगरी किन महिलालाई उनीहरूको सेनामा पठाउने भन्ने हाम्रो तर्क हो।

महिला असक्षम हुन्छन्। योग्य हुन्नन् भन्ने हाम्रो मान्यता होइन। महिलाले जस्तासुकै काम गर्न सक्छन्। तर बेलायती सेनामा नेपाली महिला सहभागी हुने कुरामा दुई देशबीचमा केही न केही सन्धि र सम्झौता त हुनुपर्‍यो नि।

बेलायतमा अहिले पनि गोर्खा सैनिक छन्। त्यो बेला पनि सन्धी र सम्झौता भएरै गोर्खा भर्ती भएको हो। अहिले हठात् आएको महिला पठाउने विषयमा सन्धी सम्झौता गर्न पर्दैन? यो त भएन नि। महिला पठाउन बेलायतको प्रस्ताव आएको हो भने यसलाई इन्कार गर्नुपर्छ भन्ने समितिको ठहर हो।

गोर्खा भर्तीको सन्धी हुने बेला संसारभरका सेनामा पुरुषमात्र हुन्थे। त्यसैले सन्धीमा महिला भनिएन होला। अब त समय परिवर्तन भयो। संसारभर महिलालाई सेनामा लिने प्रचलन बढ्दो छ। हाम्रै सेना र प्रहरीमा महिलालाई सहभागी गराइरहेका छौं? सन्धीलाई नयाँ सन्दर्भअनुसार बुझ्नु पर्ने होइन र?

हो, समय सन्दर्भ परिवर्तन भयो। परिवर्तन भएको हो भने त समायनुकूल सन्धी पनि हुनुपर्‍यो नि, परेन र? हिजो पुरुष पठाउन सहमति सन्धी भयो ठिकै छ। हिजो महिला पठाउने सोच थिएन होला। अहिले सोच आयो। तर सोच आउनेबित्तिकै अर्को राष्ट्रको (आफ्नो राष्ट्रको होइन) महिलाहरुलाई त्यसै लैजान पाइन्छ। त्यस्तो हुन सक्छ?

नेपालबाट सेनामा लिने सन्धी छ। पुरुषहरू गैरहेकै छन्, महिला लिन नयाँ सन्धी चाहिन्छ त?

चाहिन्छ। हिजो त पुरुषमात्र लैजाने भनेरै सन्धी भएको हो। त्यसले गर्दा अहिले महिला लैजान सन्धी आवश्यक हुन्छ। त्यो सन्धी भएर सहमति भए महिला लिए केही छैन तर अहिलेको सन्दर्भमा महिलालाई पठाउन पाइँदैन। महिला पठाउन स्वीकृति दिन पाइँदैन भनेर हामीले सरकारलाई सुझाव दिएका हौं।

बेलायतले २०१६ देखि महिलालाई पनि युद्धको नेतृत्व दिन सुरू गरेको हो। बेलायती सेनामा महिलाको सहभागिता त्यसैबेलादेखि बढेको हो। गोर्खा सेनामा पनि महिलाको सहभागिता बढाउनु जायज होइन र?

सहमतिबिना सानो प्रस्ताव राख्नेबित्तिकै ग्वारग्वार्ती महिला पठाइहाल्नु पर्ने हो र?

नेपालको संविधानले महिला पुरुषबीच समानताको हक स्थापित गरेको छ। पुरुषलाई विदेशी सेनामा जान दिने हो भने त्यसमा महिलाको हक पनि स्वत: स्थापित हुन्छ। तपाईंहरूले महिलालाई रोक्नु भनेर निर्देशन दिनुभयो। रोक्ने नै भए त पुरुष पनि रोक्नुपर्थ्यो। यो त सिधासिधा विभेद भयो नि?

त्यस्तो होइन। दुई देशबीच आपसी सहमति भयो। नेपाली महिला जान चाहन्छन्। नेपालले पठाउन चाहन्छ। त्यो देशले लैजान प्रस्ताव गर्छ भने ठीक छ। यससम्बन्धी छलफल गरेर लैजान सकिन्छ। तर त्यो केही नभइकन बीचमै यस्तो किसिमले प्रस्ताव राखेर महिला लैजानु राम्रो हुन्न भन्ने कुरा हो।

अर्कोतर्फ बेलायती सेनामा जो पुरुष सहभागी हुनुभयो। कतिले विभिन्न युद्धमा ज्यान गुमाउनु भयो। उहाँहरू आफूमाथि विभेद भएको छ न्याय पाएको छैनौं भनेर बारम्बार आन्दोलनमा गरिरहनुभएको छ।

संसदको अन्तर्राष्ट्रिय सम्बन्ध समितिका लागि यो धेरै पहिलादेखिकै विषय हो। धेरै प्रतिवेदन तयार भएका छन्। धेरै काम गरेको छ। अहिले पनि गोर्खा भूपू सैनिक आन्दोलनमा हुनुहुन्छ। उहाँहरुको आन्दोलन के छ भन्दा–बेलायती सेना र गोर्खा सेनाले प्राप्त गर्ने सेवा सुविधामा विभेद भयो। हाम्रो धारणा यसमा विभेद गरिनु हुन्न भन्ने हो। एउटै काम गर्ने बेलायती र गोर्खा सैनिकबीच किन समानता छैन। त्यतिमात्रै होइन भारत, नेपाल र बेलायतको त्रिपक्षीय सन्धी गरेपछि फेरि द्विपक्षीय सन्धी भयो भारत र बेलायतबीच। यसबाट गोर्खा सैनिकलाई तलब सुविधा र अन्य सुविधाबारे ‘पे कोड’लागू गर्ने काम भयो। यसरी गोर्खा सैनिकमा विभेद भएको छ।

गोर्खा सैनिकले पाउने पेन्सन अझै पनि सिधै नेपाल आउँदैन। भारतीय रिजर्व बैंकबाट नेपाल आउँछ। गोर्खालीले रगत पसिना बगाएर गरेको कामको कमाइ सिधै नेपाल आउनुपर्छ। यो मागलाई सम्बोधन गर्न सकियोस् भन्ने हाम्रो कुरा हो।

त्यसकारणले उहाँहरू माथि नै त्यति धेरै विभेद छ भने विभेद देखी देखी जानीजानी फेरि महिलालाई किन पठाउनु भन्ने हाम्रो समितिको ठहर हो।

ठीक छ, भोलि विभेद हुन्न समानताका आधारमा हुन्छ भन्ने सर्त पालना गर्ने गरी दुई देशले बसेर कुरा गर्न सक्छन्। नेपाली महिला जान इच्छुक भए भने बल्ल सहमत हुने कुरा होला। तर अहिले हिजोको विभेदकारी कार्य यथावत् छ। तर अहिलेसम्म गोर्खा सैनिकले उठाएको आवाजको कुनै सुनुवाइ भएको छैन। जुनसुकै संघर्षले परिणाम निकाल्न सकेको छैन। त्यसैले तत्काल महिला पठाउनु पर्ने हठात् निर्णय गर्नु पर्ने आवश्यकता छैन।

तर प्रश्न त समानताको हो। पुरुषलाई जान दिने तर महिलालाई भर्ना भएको छ भने पनि फिर्ता गर्न भनेर तपाईंहरूले निर्देशन दिन मिल्छ?

हो, महिला हामीले भर्ती भएका छन् भने उनीहरूलाई तुरुन्त फिर्ता बोलाइयोस् भनेको हो।

त्यही त रोजगारमा रहेकालाई फिर्ता बोलाउन विभेद भएन भन्ने हो?

मैले माथि पनि तपाईंलाई भनें- दुई देशका बीचमा सहमति होस्। सन्धी होस्। त्यसै पठाउनु उचित हो त? पुरुषहरू त जानुभयो। पुरुष भर्ती गर्दा त सन्धी भएको छ त। अब महिला पठाउँदा त्यसै पठाउने? त्यो विभेद भएन?

पुरूषलाई भर्ती कायम राख, महिलालाई भर्ती गर्न नयाँ सन्धी गरभन्दा विभेद हुन्छ भन्ने लाग्दैन?

लाग्दैन। जबसम्म सन्धी सम्झौता हुँदैन। तबसम्म नपठाउँदा विभेद हुँदैन। सन्धी भैसकेको सन्दर्भमा महिला पठाउन हुँदैन मैले त्यतिबेला भनें भने वा समितिले निर्णय गर्‍यो भने बल्ल विभेद हुन्छ।

कतै तपाईंहरूले बेलायती राज्यमन्त्रीको नेपाल भ्रमणको समय पारेर दबाब दिन समितिले यो निर्णय गर्नु भएको हो?

हामीलाई यो छलफलसम्म बेलायती राज्यमन्त्री आउने विषयमा जानकारी थिएन। पछि जानकारी भयो।

तपाईंहरूले यो विषयमा छलफल चाहेको हो?

छलफल हुनुपर्छ। छलफल आवश्यकता छ। बेलायती मन्त्री यहाँ नआएपनि छलफल परराष्ट्र मन्त्रालयले चलाओस् भन्ने हाम्रो धारणा हो।

175499 हो, समय सन्दर्भ परिवर्तन भयो। परिवर्तन भएको हो भने त समायनुकूल सन्धी पनि हुनुपर्‍यो नि, परेन र? हिजो पुरुष पठाउन सहमति सन्धी भयो ठिकै छ। हिजो महिला पठाउने सोच थिएन होला। अहिले सोच आयो। तर सोच आउनेबित्तिकै अर्को राष्ट्रको (आफ्नो राष्ट्रको होइन) महिलाहरुलाई त्यसै लैजान पाइन्छ। त्यस्तो हुन सक्छ? 2019-02-17 18:14:00 सेतोपाटी संवाददाता
नामाकरणमा षडयन्त्र गरिए सशक्त आन्दोलन गर्ने निधिको चेतावनी https://setopati.com/politics/175498

नेपाली कांग्रेसका उपसभापति विमलेन्द्र निधिले प्रदेश दुईको नामाकरण र भाषाको टुंगो लगाउने क्रममा षडयन्त्र भए सशक्त आन्दोलन गर्ने चेतावनी दिएका छन्।

आइतबार जनकपुरधाममा कांग्रेस नगर समितिको नगर सम्मेलनलाई सम्बोधन गर्दै निधिले नामाकरण र भाषाको विषयमा टुंगो लगाउन ढिलाई भईरहेको भन्दै षडयन्त्र गरिए कडा प्रतिवाद र आन्दोलन गर्ने चेतावनी दिए।

प्रदेशको नामाकरण र भाषाको सवालमा प्रदेश सरकारलाई दवाब दिन प्रदेशसभा सदस्यहरुलाई उनले आग्रह गरे। निधिले प्रदेशको नामाकरणमा ढिलाई भईरहेकोले यसका लागि दवाव श्रृजना गर्नु आवश्यक रहेको बताए।

सम्मेलनमा बोल्दै कांग्रेस उपसभापति निधिले प्रदेश दुईको नाम मिथिला–भोजपुरा अतिरिक्त अन्य कुनै नाम कांग्रेसलाई मान्य नहुने बताए।

उनले प्रदेश दुईको ऐतिहासिक र सांस्कृतिक भूमिसँग मिथिलाको इतिहास र पहिचान जोडिएकोले प्रदेशको नाम मिथिला–भोजपुरा हुनुपर्ने स्पष्ट गरे ।

उनले नेपाली पछि सर्वाधिक बोलिने दोस्रो भाषा मैथिली रहेको भन्दै प्रदेशको भाषा मैथिली हुनुपर्ने बताए। उनले भने, ‘भोजपुरी लगायतका अरू भाषा पनि राख्न सकिन्छ। तर, पहिलो ग्राह्यता मैथिलीलाई दिनुपर्छ ।’

निधिले वीरगन्जस्थित बिपी उद्यानको जग्गा प्रदेश सरकारले पूर्ववत् बिपी उद्यानकै नाममा फिर्ता नगरे आन्दोलनको आँधीबेहरी ल्याउने चेतावनी समेत दिए।

उनले संघ सरकार लोकतन्त्र र संघीयता विरोधी रहेको चर्चा गर्दै संघ र प्रदेश सरकारले एक वर्षमा गरेको जन विरोधी क्रियाकलापको विषयमा जनतालाई बुझाउन पार्टी नेता कार्यकर्तालाई निर्देशन समेत दिए ।

175498 आइतबार जनकपुरधाममा कांग्रेस नगर समितिको नगर सम्मेलनलाई सम्बोधन गर्दै निधिले नामाकरण र भाषाको विषयमा टुंगो लगाउन ढिलाई भईरहेको भन्दै षडयन्त्र गरिए कडा प्रतिवाद र आन्दोलन गर्ने चेतावनी दिए। 2019-02-17 18:07:00 नेहा झा
धितोपत्र बजार तीन अङ्कले घट्यो https://setopati.com/kinmel/banking/175497

धितोपत्र बजारमा आज शेयरको मूल्य सामान्य विन्दुले घटेको छ।

नेपाल स्टक एक्सचेञ्जका अनुसार शेयर कारोवार मापक नेप्से परिसूचक ३.१५ विन्दुले घटेर एक हजार १०९.७२ विन्दुमा पुगेको छ ।

यस्तै ठूला कम्पनीका शेयर कारोवार मापन गर्ने सेन्सेटिभ परिसूचक ०।७६ विन्दुले घटेर २३६.१६ विन्दुमा पुगेको छ । स्टकका अनुसार आज कूल १७३ कम्पनीको आठ लाख २८ हजार ८५३ कित्ता शेयर २१ करोड सात लाख ३२ हजार १४७
रुपैयाँमा खरीद–बिक्री भए ।

कारोवार भएका कूल ११ उपसमूहमध्ये तीन उपसमूहको शेयर बढेको छ । होटल ५।५, विकास बैंक ३.६८ र उत्पादन ६.२५ विन्दुले बढेको छ। यस्तै बैंकिङ ०.९२, व्यापार ४.१४, जलविद्युत् ८.३४, वित्त १.३६, निर्जीवन बीमा ९.०५, अन्य ७.७८, लघुवित्त १.६६ र जीवन बीमा ५३.७५ विन्दुले घटेको छ ।

घटेको बजारमा चौतारी लघुवित्त वित्तीय संस्थाका शेयरधनीले आज ९.८७ प्रतिशतले नाफा कमाएका छन् । यस्तै उक्सेल डेभलपमेन्ट बैंक ५.३६, पञ्चकन्या माई हाइड्रो पावर ३.८१, मिर्मिरे लघुवित्त वित्तीय संस्था २.९३ र नबिल इक्विटी फण्डका शेयरधनीले २.८० प्रतिशतले कमाएका छन् ।

यस्तै कञ्चन डेपलभमेन्ट बैंक ६.८३, रिडी हाइड्रो पावर डेभलपमेन्ट कम्पनी ५.२६, अरुण काबेली पावर ४.९०, सपोर्ट माइक्रोफाइनान्स वित्तीय संस्था ४.५५, ङादी समूह ४.१६ र नागबेली लघुवित्त वित्तीय संस्थाका शेयरधनीले ४.१६ गुमाएका छन् ।

 

175497 2019-02-17 18:00:00 रासस
सरकार नतिजामुखी विकासको काममा प्रतिवद्ध छ : प्रधानमन्त्री https://setopati.com/politics/175496

प्रधानमन्त्री केपी शर्मा ओलीले सरकार नतिजामुखी विकासको काममा प्रतिवद्ध रहेको बताएका छन्।

आइतबार आयोजित एक कार्यक्रमको उद्घाटन गर्दै प्रधानमन्त्रीले सो कुरा बताएका हुन्।

कार्यक्रममा बोल्दै उनले भने,‘सरकार विकास दूरदृष्टिमा कुनै दोधारोमा छैन। हामी नतिजामुखी विकासको काममा प्रतिवद्ध छौं।’

साथै, उनले विकास र समृद्धिका लागि काम गरिरहेको बताए।

उनले नेपालमा विकासको गतिशिलता र लगानीको अवसर उपयुक्त भएको भन्दै यसका लागि सरकारले सुशासनको वातावरण बनाउने बताए।

उनले स्वदेशी तथा विदेशी लगानीकर्ताहरूलाई नेपालमा लगानी गर्न समेत आह्वान गरे।

‘तपाईंहरूको  लगानीको सुरक्षा सरकारले गर्छ। लगानीबाट तपाईंहरूले नाफा आर्जन गर्न पनि सक्नुहुन्छ’, उनले भने।

उनले नेपाल लगानीका लागि उर्वर भूमि भएको उल्लेख गरे। प्रधानमन्त्री ओलीले वैदेशिक लगानीले नेपालको आर्थिक वृद्धिद्धर वृद्धि हुने मात्र नभई नेपाललाई विश्वसँग जोडिने अवसर पनि हुने बताए।

175496 2019-02-17 17:52:00 सेतोपाटी संवाददाता
स्मार्टका सेवा ४५ जिल्लामा विस्तार https://setopati.com/kinmel/information-technology/175495

स्मार्ट टेलिकम्युनिकेसन कम्पनीले आफ्नो नेटवर्क ४५ जिल्लामा विस्तार गरेको छ।

काठमाडौं, ललितपुर, भक्तपुर, काभ्रे, पोखरा, नेपालगञ्ज, विरगञ्ज, विराटनगर लगायत प्रमुख शहरमा स्मार्टको सेवा उपलब्ध हुँदै आएको छ।

विस्तारसँगै कम्पनीको फोजी सेवा १९ जिल्लामा, टूजी सेवा २६ जिल्लामा पुगेको कम्पनीले जनाएको छ।
कम्पनीका अनुसार स्मार्टको फोजी सेवा काठमाडौं, ललितपुर, भक्तपुर, काभ्रे, कास्की, नवलपरासी, बाँके, दाङ, कैलाली, बर्दिया, कन्चनपुर, पर्सा, धनुषा, चितवन, सप्तरी, सिराहा, मोरङ्ग, झापा तथा सुन्सरीमा पुगिसेको छ।

यो मोबाइल डाटाको लागि संसारमै रुचाइएको प्रविधि रहेको कम्पनीको दाबी छ।

 

175495 2019-02-17 17:49:00 सेतोपाटी संवाददाता
६० हजार घूससहित सब-इन्जिनियर पक्राउ https://setopati.com/social/175494

कञ्चनपुरको बेलौरी नगरपालिकाका सब-इन्जिनियर ६० हजार घूससहित पक्राउ परेका छन्।

अख्तियार दुरूपयोग अनुसन्धान आयोगको कार्यालय, कञ्चनपुरले सब-इन्जिनियर हृदयराज बजगाईंलाई नगद ६० हजार घूससहित पक्राउ गरेको हो।

कार्यालयका प्रमुख ज्ञानेन्द्रप्रसाद ढकालले कार्यालयमै उनले सेवाग्राहीबाट ६० हजार रकम घूस लिइरहेको अवस्थामा पक्राउ गरिएको बताए।

उनका अनुसार एउटा निर्माण सम्पन्न भइसकेको कल्भर्टको बिल फरकफरक गरिदिए बापत रकम माग गरेको सूचनापश्चात आइतबार दिउँसो नगरपालिकाको कार्यालयमै अख्तियारले उनलाई रंगेहात पक्राउ गरेको हो।

उनीमाथि थप अनुसन्धान भइरहेको अख्तियारले जनाएको छ।

175494 कञ्चनपुरको बेलौरी नगरपालिकाका सब-इन्जिनियर ६० हजार घूससहित पक्राउ परेका छन्। अख्तियार दुरूपयोग अनुसन्धान आयोगको कार्यालय, कञ्चनपुरले सब-इन्जिनियर हृदयराज बजगाईंलाई नगद ६० हजार घूससहित पक्राउ गरेको हो। 2019-02-17 17:33:00 सेतोपाटी संवाददाता
सरकारको एक वर्षे कार्यकाल असफल, समर्थन फिर्ता लिएसरह हो : लक्ष्मणलाल कर्ण https://setopati.com/politics/175492

राष्ट्रिय जनता पार्टी नेपालका शीर्ष नेता एवम् संसदीय सुनुवाइ विशेष समितिका सभापति लक्ष्मणलाल कर्णले ओली सरकारको एक वर्षे कार्यकाल पूर्णरूपमा असफल भएको दाबी गरेका छन्।

आइतबार राजधानीमा आयोजित एक कार्यक्रममा बोल्दै उनले सो कुराको दाबी गरेका हुन्।

कर्णले भने,‘केवल भाषण गर्दैमा देश बन्दैन। देश बनाउनको लागि त विकास गर्नुपर्छ। समृद्धि ल्याउनको लागि काम गर्नुपर्छ। अहिले मुलुकको आर्थिक अवस्था डामाडोल छ।’

कर्णले वर्तमान सरकारको एक वर्षे कार्यकालमा कोही पनि जनता सन्तुष्ट नभएको टिप्पणी गरे।

उनले भने,‘यो एक वर्षमा विकास निर्माण, सुशासन, सदाचार र नियुक्ति प्रक्रिया केही पनि राम्रो काम भएको छैन।’

राजपाको दृष्टिकोणमा वर्तमान सरकार कतै पनि सफल नभएको उनले जिकिर गरे।

विदेश नीतिमा पनि सरकार फेल भएको उनको तर्क छ।

यद्यपी उनले आफूहरूले संविधान संशोधनको आशमा यो सरकारलाई समर्थन गरेको स्पष्ट पारे।

उनले भने,‘तर हामी अहिले संसदमा विपक्षको बेन्चमा बसेका छौं। त्यसैले अब राजपाले कहिले समर्थन फिर्ता लिन्छ भनेर उद्युम मच्याइरहनुपर्दैन।’

प्रधानमन्त्री ओलीले आफूहरूलाई पटक–पटक संविधान संशोधन गर्छु भनेर आश्वासन दिएकोले पनि समर्थन जारी राखेको कर्णले स्पष्ट पारे। उनले भने,‘प्रधानमन्त्रीले हामीलाई पटक–पटक आश्वासन दिनुभएको छ, कहिले ७ दिनभित्र अघि बढाउँछु भन्नुभएको छ, कहिले तीन महिना भन्नुहुन्छ, अब पार्टीले यस विषयमा खास गरेर समर्थन जारी राख्ने वा नराख्ने भन्ने विषयमा अब बस्ने बैठकमा ठोस निर्णय गर्छ।’

175492 2019-02-17 17:23:00 सेतोपाटी संवाददाता