एमालेले उम्मेदवारको नाम बिहिबार टुंगो लगाउने


नेकपा एमाले स्थायी समिति बैठकले प्रतिनिधि सभा र प्रदेश सभा सदस्य निर्वाचनको नाम पर्सि टुंगो लगाउने निर्णय गरेको छ।

आज बसेको स्थायी समिति बैठकले यस्तो निर्णय गरेको सचिव गोकर्ण विष्टले सेतोपाटीलाई जानकारी दिए। माओवादीसँग सिट बाँडफाँट गर्न बनेको कार्यदलले काम नसकेकाले बिहिबार मात्रै उम्मेदवारको नाम टुंगो लगाउने उनले बताए।

बाम गठबन्धनमा सिट बाँडफाँटका लागि एमाले महासचिव ईश्वर पोखरेलको संयोजकत्वमा ६ सदस्यीय कार्यदल बनाएको छ। कार्यदलले काम सकेपछि मात्रै एमालेले नाम टुंगो लगाउने छ।

बैठकले निर्वाचन परिचालनको नेतृत्व गर्ने सम्पूर्ण जिम्मा अध्यक्ष केपी शर्मा ओलीलाई दिएको छ। यस्तै, अध्यक्ष ओलीसहित सबै शीर्ष नेताहरू चुनाव लड्ने निर्णय भएको सचिव विष्टले जानकारी दिए।

आजको बैठकले निर्माण व्यवसायी महासंघका अध्यक्ष शरदकुमार गौचनको हत्याको भर्त्सना गरेको छ।

यो पनि,

सुनसरीबाट एमालेका उम्मेदवार सिफारिस, को-को परे?

Share:

प्रतिकृया दिनुहोस

© 2017 Setopati Sanchar Pvt. Ltd.