देउवा सरकारलाई समर्थन गर्ने राप्रपाले गर्‍यो निर्णय

देउवा सरकारलाई समर्थन गर्ने राप्रपाले गर्‍यो निर्णय

सरकारमा सहभागिताबारे छलफल जारी


राष्ट्रिय प्रजातन्त्र पार्टीले शेरबहादुर देउवा सरकारलाई समर्थन गर्ने निर्णय गरेको छ।

सोमबारको कार्यसम्पादन समितिको बैठकबाट सरकारलाई समर्थन गर्ने निर्णय भएको राप्रपा प्रवक्ता मोहन श्रेष्ठले जानकारी दिए। ‘हामीले प्रधानमन्त्रीलाई लिखित जानकारी दिएका छौं,’ श्रेष्ठले सेतोपाटीलाई भने,’हामीले संसद सचिवालयलाई पनि लिखित जानकारी दिएका छौं।’

माओवादी र एमालेबीच बामपन्थी गठबन्धन बनेपछि देउवा सरकारलाई समर्थन गर्ने निर्णयमा राप्रपा पुगेको उनले बताए। ‘वाम तालमेलले सरकार अल्पमतमा पर्ने र यसले निर्वाचन विथोलिने सम्भावना भएकाले हामीले सरकारलाई समर्थन गर्ने निर्णय गरेका हौं,’ प्रवक्ता श्रेष्ठले भने,’निर्वाचन नरोकियोस् भन्ने चाहनाले हामीले सरकारलाई समर्थन गरेका हौं।’

सरकारमा सहभागिताबारे भने अझै निर्णय भइनसकेको उनले बताए। ‘यो विषयमा हामी टुंगोमा पुगेका छैनौं,’ उनले भने, ‘अहिलेसम्म कुनै निर्णय भएको छैन।’

Share:

© 2017 Setopati Sanchar Pvt. Ltd.