काँग्रेस बैठक : समानुपातिकमा नेता नदोहोर्‍याउँ

काँग्रेस बैठक : समानुपातिकमा नेता नदोहोर्‍याउँ


नेपाली काँग्रेसको केन्द्रीय कार्यसमिति बैठकमा संघ र प्रदेशमा पार्टीले टिकट दिने उम्मेदवारको मापदण्डमाथि बहस सुरू भएको छ।

दुई वाम पार्टी एमाले र माओवादी बैठक लगत्तै समिक्षा गर्न डाकिएको बैठकमा भावी निर्वाचनमा पार्टीका उम्मेदवार बनाउने विषयमा छलफल सुरू भएको हो।

काँग्रेसमा पार्टी केन्द्रीय कार्यसमितिले मापदण्ड तय गर्छ भने संसदीय बोर्डले उम्मेदवार टुङ्गो लगाउँछ। कांग्रेस नेता दीलेन्द्र बडुले जित्ने अवस्थामा मात्र प्रत्यक्षतर्फ उम्मेदवार दोहोर्‍याउनुपर्ने धारणा बैठकमा आएको बताए।

उनले स्थानीय तहमा पार्टीका आधिकारिक उम्मेदवारलाई असहयोग गर्नेलाई उम्मेदवार बनाउन नहुने बताए। ‘समानुपातिक तर्फमा पनि दोहोर्‍याएर टिकट नदिने कुरा भएको छ’, बडुले भने, ‘जित्न सक्ने अवस्था भए प्रत्यक्षमा दोहोर्‍याउने कुरा भएको छ।’

Share:

© 2017 Setopati Sanchar Pvt. Ltd.