सप्तरीको बोदेबरसाईन नगरपालिकामा संघीय समाजवादी फोरम विजयी भएको छ ।
फोरमका मेयर उमेदवार आतेशकुमार सिंह विजयी भएका हुन्। सिंहले ४५४७ मत पाएका छन् । उनका निकटतम प्रतिद्धन्दी राजपाका अमरेन्द्रप्रसाद यादवले ३२९८ मत ल्याएको निर्वाचन अधिकृत ईश्वरीप्रसाद भण्डारीले सेतोपाटीलाई बताए।
उपमेयरमा फोरमकै रञ्जुकुमारी साह तेली विजयी भएकी छन् । उनले ३७२१ मत पाएकी छन् । उनकी निकट्तम प्रतिद्धन्दी राजपाकै रेणुकुमारी साहले ३६३० मत ल्याएकी छन् । यो सँगै फोरमले सप्तरीमा तीन स्थानमा जित हात पारेको छ भने दुई नम्बर प्रदेशमा १५ स्थानमा जितेको छ ।