सर्लाहीको रामनगर गाउँपालिकाका २ वडा जितेको कांग्रेसले मतगणनामा अग्रता लिएको छ। गाउँपालिका प्रमुखमा कांग्रेसका उम्मेदवार कृष्णप्रसाद वर्माले २ हजार ९ सय ४१ मत ल्याएर अगाडी छन्। माओवादी केन्द्रका बाबुलाल राय यादवले २ हजार ४१ मत ल्याएर उनलाई पछ्याइरहेका छन्।
यो गाउँपालिकामा ५ वटा वडाको नतिजा आइसकेको छ। १ नम्बर वडामा राजपाले वडाअध्यक्ष जितेको छ। २ र ३ मा कांग्रेसको प्यानल विजयी भएको छ भने ६ र ७ नम्बर वडामा माओवादी प्यानलले जित हात पारेको छ।
निर्वाचन अधिकृत कृष्णप्रसाद बरालका अनुसार आज बेलुकासम्म यो गाउँपालिकाको मतगणना सकिने छ।
