सर्लाहीमा कांग्रेस र माओवादी बलियो, कहाँ, कुन दलको अग्रता?


स्थानीय तह निर्वाचन अन्तर्गत प्रदेश नम्बर २ का सबै स्थनीयत तहमा मतगणना जारी छ। ११ नगरपालिका र ९ गाउँपालिका रहेको सर्लाहीमा छिटपुट बाहेक सामान्य रूपमा मतगणना अगाडि बढिरहेको सर्लाहीका प्रमुख जिल्ला अधिकारी प्रदिपराज कँडेलले जानकारी दिए।

प्रारम्भिक मतगणना अनुसार नेकपा माओवादी केन्द्र र र काँग्रेसले समान पाँच–पाँच स्थानमा अग्रता लिएका छन्। काँग्रेसले मलंगवा, हरिपूर्वा, धनकौल, रामनगर र गोडैतामा अग्रता लिईरहेको छ भने माओवादी केन्द्रले बरहथवा, बागमती, बसबरिया, हरिपुर र चक्रघटामा अगाडि देखिएको छ।

यस्तै राजपाले कौडेना, चन्द्रनगर, ब्रम्हपुरी र बलरा नगरपालिका गरी चार स्थानमा अग्रता लिँदा संघीय समाजवादी फोरमले विष्णु, पर्सा र कविलासी गरी तीन स्थानीय तहमा अग्रता लिइरहेको छ। यता सर्लाहीमा कमजोर देखिएको एमालेले ईश्वरपुर र लालबन्दीमा गरी दुई स्थानमा अग्रता लिएको छ।

राजपा नेपालका अध्यक्ष मण्डलका नेताहरु राजेन्द्र महतो, महेन्द्र राय यादव र महन्थ ठाकुरको गृह जिल्ला भएकाले सर्लाहीको चुनावी नतिजालाई निकै महत्वका साथ हेरिएको छ।

अहिलेसम्म ४६ वटा वडाको मतपरिणाम सार्वजनिक

सर्लाहीमा अहिलेसम्म ४६ वटा वडाको अन्तिम मत परिणाम सार्वजनिक भएको छ। बुधवार राति ९ बजेसम्म प्राप्त सार्वजनिक मतपरिणाम अनुसार १२ वटा वडा जितेर माओवादी अग्रस्थानमा छ। कांग्रेस ११ वडामा विजयी भएर दोस्रो स्थानमा छ। राजपा नेपालले ८ वटा वडामा विजयी हाँसिल गरेको छ। त्यसैगरी एमाले ८ र संघीय समाजवादी फोरम ५ वटा वडामा विजयी भएका छन्। दुई स्वतन्त्र उम्मेदवारले पनि विजयी भएका छन्।

Share:

© 2017 Setopati Sanchar Pvt. Ltd.