तेस्रो चरणको स्थानीय तह निर्वाचनअन्तर्गत् प्रदेश नम्बर–२ मा भएको निर्वाचनको जारी मतगणनामा सर्लाहीमा नेपाली कांग्रेस र नेकपा माओवादी केन्द्रले पाँच/पाँच स्थानमा अग्रता लिएका छन् ।
कांग्रेसले मलंगवा, हरिपूर्वा, धनकौल, रामनगर र गोडैतामा अग्रता लिइरहेको छ भने माओवादी केन्द्र बरहथवा, हरिवन, बागमती, बसबरिया, हरिपुर र चक्रघटामा अगाडि देखिएको छ ।
नेकपा एमालेले ईश्वरपुर र लालबन्दी, संघीय समाजवादी फोरम नेपालले विष्णु, पर्सा र कविलासीमा अग्रता लिइरहेका छन् ।
राष्ट्रिय जनता पार्टी (राजपा) नेपालका शीर्ष नेताहरुको गृहजिल्ला सर्लाहीमा सो पार्टीको नतिजा भने खासै राम्रो देखिएको छैन ।
राजपाले सर्लाहीको कौडेना, चन्द्रनगर, ब्रम्हपुरी र बलरा नगरपालिकामा झिनो मतले अग्रता लिइरहेको छ ।
