लहानमा फेरिए निर्वाचन अधिकृत


सिरहाको लहानका निर्वाचन अधिकृत फेरिएका छन्।

विवादका कारण पटकपटक मतगणना समेत रोकिएको लहानमा मतगणना गराइरहेका बेला निर्वाचन अधिकृत फेरिएका हुन्।

लहानको वडा नं ३ मा ८ मतले कांग्रेस विजयी भएपछि फोरमले निर्वाचन अधिकृत विरुद्ध निर्वाचन आयोगमा उजुरी समेत दिएका छन्।

लहानमा ३ पटक विवादका कारण मतगणना समेत स्थगित भएको थियो। उपन्यायाधीवक्ता नारायणबहादुर थापाले आफैँ निवेदन लेखेर आफ्नो स्थानमा अरुलाई खटाइदिन आग्रह गरेका हुन्।

निर्वाचन आयोगका प्रवक्ता नवराज ढकालले स्वास्थ्यको कारण देखाउँदै काम गर्न नसक्ने भन्दै निवेदन प्राप्त भएपछि निर्वाचन अधिकृत परिवर्तन गरिएको बताए। ‘राजनीतिक कारण छैन’, ढकालले भने ।

नयाँ नियुक्त भएका लुँइटेलले यसअघि झापाको कमल गाउँपालिकामा गोलाप्रथाबाट मत टुङ्गो लगाएका थिए। लहानको मतगणनामा हाल नेकपा एमाले अगाडि छ।

Share:

© 2017 Setopati Sanchar Pvt. Ltd.