बाराका १६ स्थानीय तहमध्ये ६ वटामा नेपाली कांग्रेसले अग्रता लिइरहेको छ। चार स्थानमा अग्रता लिइरहेको एमालेले कांग्रेसलाई पछ्याइरहेको छ। नेपाली कांग्रेसले कोहल्वी, बारागढी, सिम्रौनगढ र महागढीमाई नगरपालिकाको मेयर तथा सुवर्ण र फेटा गाउँपालिकामा अग्रता लिइरहेको छ।
बाराका दुवै उपमहानगरमा भने एमालले अग्रता लिइरहेको छ। कलैयाको मेयरमा एमाले उम्मेदवार कांग्रेस उम्मेदवार भन्दा २ मतले अगाडि छन्। एमाले उम्मेदवारले ३८ र कांग्रेस उम्मेदवारले ३६ मत प्राप्त गरेका छन्।
जितपुर सिमरा उपमहानगरपालिकामा एमाले उम्मेदवार ८७५ मत ल्याएका छन्। उनलाई पछ्याइरहेका कांग्रेस उम्मेदवारले ६०८ मत पाएका छन्।
एमाले उम्मेदवारले निजगढ नगरपालिका र आदर्श कोटवाल गाउँपालिकामा पनि अग्रता लिइरहेका छन्।
बारामा राजपाले तीन स्थानीय तहमा अग्रता लिइरहेको छ। पचरौता, परवानीपुर र प्रसौनीमा राजपा उम्मेदवारले अग्रता लिइरहेका हुन्।
विश्रामपुर गाउँपालिकाको अध्यक्षमा नेपाल लोकतान्त्रिक फोरम र करैयामाई गाउँपालिकामा संघीय समाजवादी फोरमका उम्मेदवारले अग्रता लिइरहेका छन्।