मंगलबार साँझसम्म सप्तरीका १६ मध्ये ८ स्थानीय तहको प्रारम्भिक मत परिणाम सार्वजनिक भएको छ। ती मध्ये संघीय समाजवादी फोरम तीन स्थानमा प्रमुख अगाडि छ। फोरमका उम्मेदवार बोदेबरसाइन र हनुमाननगर कङ्कालिनी नगरपालिका र महादेवा गाउँपालिकामा अग्रता लिइरहेका छन्। नेपाली कांग्रेसका उम्मेदवारहरु खडग र शम्भुनाथ नगरपालिकाको मेयरमा अगाडि छन्।
त्यस्तै राष्ट्रिय जनता पार्टीले रुपनी र तिलाठी कोइलाडी गाउँपालिकाको अध्यक्षमा अग्रता लिइरहेको छ। राजमार्गदेखि उत्तरमा पर्ने सप्तकोशी नगरपालिकामा भने एमाले उम्मेदवार प्रतिष्पर्धीभन्दा दोब्बर बढी मतले अगाडि छन्।
जिल्लाको राजविराज नगरपालिका बाहेक सबै स्थानीय तहको मतगणना जारी छ।
