सरकार आफैँ लुटतन्त्रमा लागेको छ -प्रकाशचन्द्र लोहनी


एकीकृत राष्ट्रिय प्रजातन्त्र पार्टी राष्ट्रवादीले भ्रष्टाचार विरोधी अभियानमा जुट्न आम नागरिकलाई आह्वान गरेको छ ।

पार्टीका अध्यक्ष डा. प्रकाशचन्द्र लोहनीले सबै नागरिकलाई भ्रष्टाचार विरोधी अभियानमा जुटन आह्वान गरेका हुन् ।

उनले सरकार आफैँ लुटतन्त्रमा लागेपछि पार्टीले भ्रष्टाचारको विरोधमा सडक संघर्ष गर्नु परेको  स्पष्ट पारे । शुक्रबार पार्टीले काठमाडौंमा आयोजना गरेको भ्रष्टाचार विरोधी प्रर्दशनपछि आयोजित कोण सभालाई सम्बोधन गर्दै अध्यक्ष लोहनीले सरकारले भ्रष्टाचार नियन्त्रण गर्न संसदीय समिति र संवैधानिक निकायले दिएको निर्देशन पालना नगरेपछि नागरिक स्तरबाट भ्रष्टाचार विरोधी अभियान संचालन गर्न बाध्य हुनु परेको बताए ।

पार्टीले हिन्दु राष्ट्र कायम हुनुपर्ने लगायतका पार्टीको एजेण्डा स्थापित गराउन  बिहिबार पनि सडक संघर्षको कार्यक्रमलाई निरन्तरता दिएको जनाएको छ ।

पार्टीका अध्यक्ष लोहनीले मुलुकमा रोजगारीको अवसर सृजना गर्न सरकारको ध्यानाकर्षण गराउन पार्टी लागि परेको पनि दाबी  गरे ।

Share:

© 2017 Setopati Sanchar Pvt. Ltd.