नेकपा माओवादी केन्द्रका अध्यक्ष पुष्पकमल दाहालले आफूले मुलुकलाई एकताबद्ध बनाएको दाबी गरेका छन् ।
बिहिबार लाजिम्पाटस्थित आफ्नै निवासमा पार्टी प्रवेश कार्यक्रममा बोल्दै उनले सो कुराको दाबी गरेका हुन् ।
अध्यक्ष दाहालले सबैलाई निर्वाचनमा आउने वातावरण बनाउन आफू नेतृत्वको सरकारले बनाएका कारण मधेसमा पार्टी प्रवेश गर्नेहरूको लहरनै चलेको दाबी समेत गरे । कार्यक्रममा बोल्दै उनले माओवादी केन्द्रको भविष्य उज्जवल रहेको आश्वासन दिए ।
अध्यक्ष दाहालले आफू नेतृत्वको सरकारले संविधानको स्वीकार्यता बढाउँदै लैजाने नीति लिएकै कारण आसन्न सबै तहको निर्वाचनमा सबै दलहरू सहभागी हुने वातावरण बनेको दाबी गरेका छन् ।
अध्यक्ष दाहालले आफ्नो पार्टीको ठूलो बलिदानपछि मुलुकमा संघीय लोकतान्त्रिक गणतन्त्र स्थापना भएको उल्लेख गरे । उनले समानुपातिक समावेशी राज्यको परिकल्पनाकार पनि आफ्नै पार्टी भएको स्पष्ट पारे ।
निर्माण व्यवसायी बलराम साह पनि नेकपा माओवादी केन्द्रमा प्रवेश गरे ।
