मोदीको दाबी : माओवादी केन्द्र अब पहिलो पार्टी बन्छ


सत्तारुढ दल नेकपा माओवादी केन्द्रका नेता अमनलाल मोदीले मुुलुक माओवादीको एजेण्डामै चलिरहेकोले प्रदेश नम्बर २ को निर्वाचनमा आफ्नो पार्टी पहिलो बन्ने दाबी गरेका छन्  । मङ्गलबार राजधानीमा अायोजित एक कार्यक्रममा उनले सो कुराको दाबी गरेका छन् ।

कार्यक्रममा बोल्दै  मोदीले भने,‘अहिले सबै साथीहरू माओवादी केन्द्रको एजेण्डा अनुसार नै चुनावमा जानुभएको छ, त्यसैले जीत हाम्रो पहिल्यै नै भैसकेको छ।’

मोदीले आउने प्रदेश र प्रतिनिधि सभाको निर्वाचनमा पनि आफ्नो पार्टी नै एक नम्बर हुने दाबी गरे । उनले थपे,‘हेर्दै जानुहोला, आउने प्रदेश र प्रतिनिधि सभाको निर्वाचनमा हाम्रो पार्टीले श्रेष्ठता हासिल गर्छ, जनताहरूको अहिले हाम्रो पार्टीप्रति ठूलो जनलहर बढेको छ।’

त्यस्तै, उनले सुन तस्करीको बारेमा बोल्दै भने,‘सुन तस्करमात्रै कुरा नगरौं, यो देशमा धेरै ठूला ठूला तस्करीहरू भैरहेका छन्, तस्करी जालोको रूपमा फस्टाएको छ, यसलाई समाप्त पार्न युवा नेताहरू नेतृत्वमा आउनुपर्छ।’

Share:

© 2017 Setopati Sanchar Pvt. Ltd.