टिकट वितरणमा भेदभाव भएको भन्दै सांसदद्वारा एमाले पार्टी कार्यालयमा तालाबन्दी


नेकपा एमाले पर्साको कार्यालयमा आज तालाबन्दी गरिएको छ ।

टिकट वितरणमा नेतृत्वले राम्रोभन्दा पनि हाम्रोलाई प्राथमिकता दिएको भन्दै सांसद बिचारी प्रसाद यादवको नेतृत्वमा पार्टी कार्यलय मनमोहन नगरमा तालाबन्दी गरिएको हो ।

वीरगञ्ज महानगरपालिका वडा नं‍ २० का प्रत्यासी रामकिशोर  सिंहलाई टिकट नदिएको भन्दै उनका सर्मथकहरूले पनि तालाबन्दी र धर्ना दिएका छन् ।

युवा नेता सिंहले पार्टीले आफ्नो कामको अवमूल्यन गरेको तथा चाकरी गर्नेहरूलाई टिकट  वितरण गरेको आरोप लगाउँदै भोलि भण्डारफोर कार्यक्रमसँगै पत्रकार सम्मेलन गरी सामूहिक राजिनामा दिने जानकारी दिए ।

नेतृत्वले पैसाको चलखेल र नातावाद  कृपावादमा परी टिकट बाडेको आरोप लगाउदै सांसद यादवले तत्काल त्रुटि नसच्याए कडा कदम चाल्ने चेतावनी समेत दिए।

यसैबीच हिजो पर्सागढी नगरपालिका र बहादुरामाई नगरपालिकाको सम्बन्धमा भने निर्वाचन  क्षेत्र नम्बर ३ का सांसद राजकुमार गुप्ताले गम्भीर असहमति जनाउन हुँदै यसको निर्णय पुनरावलोकन नभएमा गम्भीर अवस्था आउने चेतावनी समेत दिएका छन् ।

Share:

© 2017 Setopati Sanchar Pvt. Ltd.