मुलुकलाई सम्वृद्धिको दिशामा अगाडि बढाउन सरकार क्रियाशील छ- मन्त्री कार्की


अर्थमन्त्री ज्ञानेन्द्रबहादुर कार्कीले अब मुलुक छिट्टै सम्वृद्धितर्फ लाग्ने बताएका छन् ।

नेपाल आर्थिक पत्रकार समाजको १८ औं वार्षिक साधारण सभालाई शुक्रबार काठमाडौंमा उद्घाटन गर्दै उनले सो  कुराको जानकारी दिएका हुन् ।

उनले मुलुकलाई सम्वृद्धिको दिशामा अगाडि बढाउन सरकार क्रियाशील रहेको र अर्थतन्त्रको दायरासमेत फराकिलो हुँदै गएकाले थप लगानी गर्नु सहज हुनेमा जोड दिएका छन् ।

अर्थमन्त्री कार्कीले अपार सम्भावना बोकेको जलस्रोत, पर्यटन र कृषि क्षेत्रको विकास गरी मुलुकलाई सम्वृद्ध बनाउने योजना अघि सारेको बताए।

उनले प्रदेश सभा र प्रतिनिधि सभा निर्वाचन सम्पन्न भएपछि मुलुक राजनीतिक स्थिरतामा अग्रसर हुने विश्वास पनि व्यक्त गरे । उनले  मुलुकको सम्वृद्धिको अभियानमा संचारकर्मीहरूले महत्वपूर्ण योगदान दिन सक्ने धारणा राखे ।

अर्थमन्त्री कार्कीले अर्थतन्त्रलाई सबल बनाउन लगानी विस्तार गरी  मुलुकको विकास गर्ने काममा सरकार अहोरात्र खटिरहेको उल्लेख गरे ।

 

 

Share:

© 2017 Setopati Sanchar Pvt. Ltd.