राष्ट्रिय प्रजातन्त्र पार्टीका नेता वीरेन्द्र संग्रौलाको निधन भएको छ । उनको आज बिहान २ बजे झापाको दमक–८ स्थित आफ्नै निवासमा निधन भएको हो । बहत्तर वर्षीय संग्रौला पेटसम्बन्धी रोगबाट पीडित भएको परिवारिक स्रोतले जनाएको छ ।
राजनीतिकसँगै सामाजिक क्षेत्रमा क्रियाशील उहाँ राप्रपाका मेची अञ्चल सदस्य, साविक लखनपुर गाविसका पूर्व प्रधानपञ्च र दमक नगरपालिकाका मनोनीत उपप्रमुख थियो ।
उनका तीन छोरा र दुई छोरी रहेका छन् । उनको पार्थिव शरीर आज बिहान १० बजे कन्काई नदीमा अन्त्येष्टि गरिने जनाइएको छ । रासस
