नेकपा (माओवादी केन्द्र)का अध्यक्ष पुष्पकमल दाहाल र नेपालका लागि चिनियाँ राजदूत यू होङबीच नेपाल चीन सम्बन्धका विविध आयाम र हालै चिनियाँ उपप्रधानमन्त्रीले गरेका नेपाल भ्रमणका बारेमा कुराकानी भएको छ ।
अध्यक्ष दाहालको निवास लाजिम्पाटमा आज भएको भेटवार्तामा उनीहरुबीच नेपाल र चीनबीच विगतमा भएका सहमति तथा सम्झौता कार्यान्वयनमा भएका प्रगतिका बारेमा समेत छलफल भएको अध्यक्ष दाहालको सचिवालयले जनाएको छ ।
यस्तै, चीन सरकारले अगाडि सारेको ‘एक क्षेत्र, एक मार्ग’(ओबोर) अवधारणामा नेपाल सरकारले हस्ताक्षर गरिसकेको अवस्थाका बारेमा समेत कुराकानी भएको बताइएको छ । रासस
