नेपाल बार एशोसिएशनको मङ्गलबार बसेको बैठकले तराईमा वर्षाका कारण भएको बाढी पहिरो पीडितलाई सहयोग गर्न एकलाख रुपैयाँको कोष खडा गर्ने निर्णय गरेको छ ।
बाढी पीडितका लागि एक लाख रुपैयाँको कोष खडा गरी वाणिज्य बैंकको खाता नम्बर ३४४३२ मा बचत गर्न सम्पूर्ण कानून व्यवसायी, बार एकाई तथा इच्छुक संघसंस्थालाई आग्रह गरेको बारका महासचिव खुम्बबहादुर खातीले जानकारी दिए ।
अविरल वर्षाका कारण विशेषगरी तराईमा आएको बाढी कारण कयौँको ज्यान गएको छ भने कतिपय घरबारविहीन भएकोप्रति बार मर्माहत भएको र यस दुःखद् घडीमा सहयोग गर्न एशोसिएशनले सबैमा अपिल गरेको छ । रासस
