मृतकका परिवारलाई दुई/ दुई लाख दिइने

मृतकका परिवारलाई दुई/ दुई लाख दिइने




सरकारले लगातारको वर्षापछि तराईका विभिन्न जिल्लामा आएको बाढीका कारण मृत्यु भएका परिवारलाई जनही २ लाख राहत रकम दिने निर्णय गरेको छ ।

देशभरका विभिन्न  जिल्ला बाढीपहिरोको चपेटामा परेका छन् । गृहमन्त्रालयले दिएको जानकारी अनुसार बाढीपहिरोबाट ६४ जनाको मृत्यु, २८ घाइते र ५३ जना बेपत्ता भएका छन् ।

आइतबार बालुवाटारमा बसेको मन्त्रिपरिषदको बैठकले बाढी र पहिरोबाट विस्थापित भएकाहरुलाई राहत वितरणमा ढिलाई नगर्न निर्देशन दिँदै बाढी र पहिरोमा परी मृत्यु भएका व्यक्तिका परिवारलाई जनही २ लाख रुपैयाँ दिने निर्णय गरेको छ । सरकारले गृहमन्त्रालय, स्वास्थ्य मन्त्रालय, सुरक्षा संयन्त्रलाई राहत र उद्धार कार्यमा खटिन निर्देशन दिँदै राहत रकम तत्काल वितरण गर्ने निर्णय गरेको हो ।

त्यसैगरी, बैठकले बाढी र पहिरोपीडित परिवारहरुलाई उचित वासस्थानको व्यवस्था दगर्न युद्धस्तरमा लाग्न सबै निकायलाई निर्देशन समेत दिएको छ । त्यसैगरी, विभिन्न जिल्लामा आएको बाढी र त्यसले पुर्‍याएको क्षतिका बारेमा प्रधानमन्त्री शेरबहादुर देउवा स्वयंले स्थलगत भ्रमण गर्ने समेत सूचना तथा सञ्चारमन्त्री मोहन बस्नेतले जानकारी दिए ।

त्यसैगरी, बैठकले हालको विपत्तिलाई सबै संयन्त्रहरु मिलेर लाग्न र आउँदा दिनमा हुन सक्ने दैवी प्रकोपका घटनाका लागि मध्यकालीन र दिर्घकालीन योजनाहरु बनाइने समेत निर्णय गरेको छ ।

प्रतिकृया दिनुहोस

© 2017 Setopati Sanchar Pvt. Ltd.