बाढीपीडितलाई कांग्रेसका सांसदले १ करोडभन्दा बढी सहयोग गर्ने


नेपाली कांग्रेसका सांसदले बाढीपीडितलाई एकमहिनाको तलब सहयोग गर्ने भएका छन्।

कांग्रेसको कार्यसम्पादन समितिको बैठकले आफ्ना हरेक सांसदलाई एकमहिनाको तलब बाढी पीडितका लागि दिन निर्देशन दिएको छ।

प्रधानमन्त्री निवास बालुवाटारमा बसेको कांग्रेस केन्द्रीय कार्यसम्पादन समितिको बैठकले यस्तो निर्देशन दिएको नेता बालकृष्ण खाँणले बताए।

कांग्रेसका २०७ जना सांसद छन्। एकको पारिश्रमिक ५५ हजार २ सय ३० रुपैँया हुन्छ। २०७ जनाको तलब जोड्दा १ करोड १४ लाख ३२ हजार ६ सय १० हुन्छ।

उनीहरुलाई कांग्रेसको बाढीपिडित सहयोगक कोषमा एक महिनाको तलव जम्मा गर्न बैठकले निर्देशन दिएको हो। तराई क्षेत्रमा बाढीका कारण जनधनको क्षति भइरहेको ठाउँमा तत्काल सरकारको उपस्थितिका लागि कांग्रेसले आग्रह गरेको छ।

‘नेपालको तराई क्षेत्रमा अविरल वर्षाका कारणले जनधनको व्यापक क्षति भइरहेको छ। कांग्रेस कार्यसम्पादन समिति बैठकले त्यस्तो ठाउँमा खोज, राहत र उद्दार कार्यलाई तीब्र पार्न सरकारलाई अग्रह गरेको छ,’ नेता खाँणले भने।

उनका अनुसार, आफ्ना कार्यकर्तालाई उद्धार कार्यमा खटिन पनि कांग्रेस बैठकले आह्वान गरेको छ।

Share:

प्रतिकृया दिनुहोस

© 2017 Setopati Sanchar Pvt. Ltd.