एमालेद्वारा छिमेकी मुलुकका कारण तराईमा डुबान भन्दै संसदमा सार्वजनिक महत्वको प्रस्ताव दर्ता


बाढी र पहिरोका कारण देशभर उत्पन्न कठिन अवस्थाप्रति ध्यानाकर्षण गराउँदै नेकपा एमालेले संसदमा जरूरी सार्वजनिक महत्वको प्रस्ताव दर्ता गराएको छ।

प्रस्तावमा भारतले सीमा नजिककै बनाएका भौतिक संरचनाका कारणले पनि तराईमा डुबानको समस्या भयावह भएको उल्लेख गरिएको छ। ‘नेपालको दक्षिणी सीमा नजिक छिमेकी देशले तटबन्ध तथा बाँध निर्माण गरेका कारण तराई /मधेशमा डुबान तथा बाढीको समस्या अत्यन्त भयावह बनेको छ,’ संसदमा दर्ता भएको उक्त प्रस्तावमा उल्लेख छ।

एमाले उपाध्यक्ष भीम रावलले ऋषिकेश शाह र शत्रुघन महतोको समर्थनमा यो प्रस्ताव आइतबार दर्ता गराएका हुन्। जरूरी सार्वजनिक महत्वको प्रस्ताव यसपछि बस्ने संसदको पहिलो बैठकमा नै छलफलको विषय बन्छ।

Share:

प्रतिकृया दिनुहोस

© 2017 Setopati Sanchar Pvt. Ltd.