गृह मन्त्रालयको प्रवक्ता फेरिएका छन्। सुरक्षा समन्वय महाशाखामा प्रमुख रामकृष्ण सुवेदीले गृह प्रवक्ताको जिम्मेवारी पाएका छन्।
यसअघिका प्रवक्ता दीपक काफ्ले भने अध्यागमन विभागको महानिर्देशकमा सरूवा भएका छन्। यसैगरी, गृहमन्त्रालयले हरिप्रसाद मैनालीलाई रुपन्देही सिडिओको जिम्मेवारी दिएर पठाएको छ।
गृहको मानव स्रोत व्यवस्थापन महाशाखा (कर्मचारी प्रशासन) प्रमुखमा ईश्वरराज पौडेललाई जिम्मेवरी दिइएको छ। गृह प्रशासनलाई थप चुस्त बनाउन जिम्मेवारी हेरफेर गरिएको बताइएको छ। यसैबीच, बाढीपहिरोपीडितलाई राहतका लागि तत्काल आर्थिक सहायता वितरण गरिने गृहका नवनियुक्त प्रवक्ता सुवेदीले जानकारी दिएका छन्।
