महान्यायाधीवक्ता रमन श्रेष्ठले राजीनामा दिएका छन् । उनले अाइतबार प्रधानमन्त्री शेरबहादुर देउवालाई राजीनामा पत्र बुझाएको हुन् ।
प्रधानमन्त्रीकै अनुरोधमा राजीनामा पत्र बुझाउन ढिला गरेको उनले बताए ।
तत्कालीन प्रधानमन्त्री पुष्पकमल दाहालको पालामा महान्यायाधीवक्ता पद सम्हालेका श्रेष्ठले देउवा प्रधानमन्त्रीको कानुनी सल्लाकार समेत बन्न भ्याए । उनको पालामा सरकारी वकिलहरुको क्षमता विकास, मुद्दा अभियोजन व्यवस्थित बनाउने तयारी, प्रहरी र सरकारी वकिलबीच समन्वयकारी संयन्त्र निर्माण गरेका थिए ।
तत्कालीन सरकारका कानूनी सल्लाहकार मानिने महान्यायाधिवक्ता श्रेष्ठले सरकारी कार्यालयहरुमा निजी क्षेत्रबाट कानूनी सल्लाहकारहरु राख्न नपाउन दिएको निर्देशनबाट देशभरिका वकिलहरु रिसाएका थिए।