गृहमन्त्री जनार्दन शर्माले रौतहटको गरुडामा सडकमा खनिएको खाल्डोमा परी चार बालबालिकाको मृत्यु भएको सम्बन्धमा छानबिन भइरहेको जानकारी दिएका छन् ।
व्यवस्थापिका–संसद्को आजको बैठकमा सभामुखसँग समय लिएर मन्त्री शर्माले मन्त्रालयका शान्ति सुरक्षा महाशाखाका प्रमुख दीपक काफ्लेको संयोजकत्वमा गठित छानबिन समिति घटनास्थलमा पुगेर अध्ययन गरिरहेको र प्रतिवेदन प्राप्त भएपछि दोषीलाई कारबाही गरिने बताए ।
सो घटनाका सम्बन्धमा स्पष्ट पार्न संसद्को यही साउन २२ गतेको बैठकमा सांसदहरुले प्रश्न उठाएका थिए ।
गृहमन्त्री शर्माले मुलुकका विभिन्न ठाउँमा बाढी, पहिरो र अन्य घटनाका कारण भएको मानवीय र भौतिक क्षतिबारे पनि अवगत गराए । रासस
