आत्मनिर्भर अर्थतन्त्रबाट व्यापार घाटा कम गर्न सकिन्छ -मन्त्री विश्वकर्मा

आत्मनिर्भर अर्थतन्त्रबाट व्यापार घाटा कम गर्न सकिन्छ -मन्त्री विश्वकर्मा




वाणिज्य मन्त्री मीनबहादुर विश्वकर्माले आत्मनिर्भर अर्थतन्त्रको विकासबाट पनि मुलुकमा बढ्दो व्यापार घाटा कम गर्दै लैजान सकिने बताएका छन् ।

मन्त्री विश्वकर्माले व्यापार घाटा काम गर्न निर्यात व्यापार गर्नैपर्छ भन्ने मान्यताको पक्षमा आफू नरहेको पनि स्पष्ट पारे ।  व्यवस्थापिका संसद उद्योग वाणिज्य तथा उपभोक्ता हित सम्बन्ध समितिको बुधबारको बैठकमा बोल्दै उनले आत्मनिर्भर अर्थतन्त्रको विकास गरेर व्यापार घाटा कम गर्न आफू लागि पर्ने प्रतिबद्धता पनि व्यक्त गरे ।

हाल पेट्रोलियम पदार्थको आयातबाट मात्रै मुलुकमा वार्षिक २ खर्ब  व्यापार घाटा छ । मन्त्री विश्वकर्माले जलविद्युत क्षेत्रको विकास गरेर पेट्रोलियम पदार्थको आयातमा कमी ल्याएर व्यापार घाटा कम गर्दै लैजान सकिने उल्लेख गरे । उनले कृषिमा आत्मनिर्भर गराउन सके वार्षिक १ खर्ब बराबरको व्यापार घाटा कम हुने पनि स्मरण गराए।

मन्त्री विश्वकर्माले मुलुकमा विद्यमान व्यापार घाटा कम गर्न उद्योग, वाणिज्य र आपूर्ति मन्त्रालयबीच सहकार्य गरेर अघि बढने प्रतिबद्धता पनि व्यक्त गरे । बैठकमा समितिका सदस्यहरुले मन्त्री विश्वकर्माको कार्यकालको सफलताको शुभकामना समेत दिएका थिए ।

 

प्रतिकृया दिनुहोस

© 2017 Setopati Sanchar Pvt. Ltd.