पूर्ण समानुपातिक निर्वाचन प्रणाली अवलम्बन गरे निर्वाचनमा हुने खर्च स्वत: कम हुन्छ-अायुक्त


प्रमुख निर्वाचन आयुक्त डा. अयोधिप्रसाद यादवले पूर्ण समानुपातिक निर्वाचन प्रणाली अवलम्बन गरे निर्वाचनमा हुने खर्च स्वत: कम हुँदै जाने प्रस्ताव अघि सारेका छन्  ।

सोमबार व्यवस्थापिका संसद राज्य व्यवस्था समितिको बैठकलाई सम्बोधन गर्दै उनले सो प्रस्ताव अघि सारेका हुन्।

प्रमुख निर्वाचन आयुक्त यादवले राजनीतिक दलहरुलाई राज्य आफैँले निर्वाचन खर्च उपलब्ध गराउने व्यवस्था गरेर पनि निर्वाचान हुने अधिक खर्चलाई कम गर्दै लैजान सकिने धारणा पनि राखे ।  उनले निर्वाचनमा हुने अधिक खर्च कम गर्न सरकार आफैँ अग्रसर हुनुपर्नेमा पनि जोड दिए । प्रमुख निर्वाचन आयुक्त यादवले संविधानको धारा २ सय ७२ मा राजनीतिक दलहरुलाई खर्च दिने व्यवस्था राज्यले नै उपलब्ध गराउनुपर्ने व्यवस्था गरेको पनि स्मरण गराए ।

निर्वाचन आयोगले निर्वाचनलाई स्वच्छ ढंगले सम्पन्न गर्न निर्वाचनको मिति तोक्ने अधिकार आफैँलाई दिने कानुनी व्यवस्था गर्न पनि सरकारको ध्यानाकर्षण गराउँदै आएको छ । बैठकमा समितिमा सदस्यहरुले निर्वाचनमा खर्च कम हुनेगरी कानूनी व्यवस्था गर्न सरकारसँग माग गरेका थिए ।

Share:

प्रतिकृया दिनुहोस

© 2017 Setopati Sanchar Pvt. Ltd.