एक तह, एक खेलकुद मैदान निर्माणमा तीव्रता : मन्त्री केसी

एक तह, एक खेलकुद मैदान निर्माणमा तीव्रता : मन्त्री केसी


युवा तथा खेलकुद मन्त्री राजन केसीले सरकारले एक स्थानीय तह एक खेलकुद मैदान विस्तार गर्ने अभियानलाई तीव्रता दिएको बताएका छन्।

नेपाली काँग्रेस पर्वतको पार्टी कार्यालयमा सोमबार आयोजित कार्यकर्ता भेटघाट कार्यक्रममा बोल्दै उनले खेल मैदानको अभावमा पछिल्लो समय युवा खेल क्षेत्रबाट पलायन हुने क्रम बढेको बताउँदै खेल क्षेत्रको विकासका लागि सरकार दृढ रहेको बताए ।

उनले प्रत्येक नगरपालिका र गाउँपालिकाले समेत युवा तथा खेलकुद क्षेत्रलाई प्राथमिकतामा राखेर बजेट तथा नीति कार्यक्रम बनाउन आफूले आग्रह गरेको बताउँदै यसबाट तल्लो तहमा रहेका खेलाडी र युवा लाभान्वित हुने बताए ।

मन्त्री केसीले पर्वत जिल्लाका सबै तहमा एक/एकवटा खेल मैदान विस्तारका लागि स्थानीय तहसँग सहकार्य गरेर आफूले बजेट विनियोजन गरिदिने आश्वासन समेत दिए ।

मन्त्री केसीले आगामी माघ ७ गतेभित्र दुईवटा चुनाव सम्पन्न गर्नुपर्ने अवस्था रहेको बताउँदै ती निर्वाचनमा नेपाली काँग्रेसलाई पहिलो दल बनाउन सबै कार्यकर्ता सक्रिय भएर लाग्न आग्रह गरे ।

मन्त्री केसीले लोकतन्त्रप्रतिको लडाइँ सकिएको बताउँदै अबको पालो भनेको आर्थिक समृद्धिको भएको बताए । उनले एक अर्काबीच आरोप प्रत्यारोप र दोषारोपणभन्दा पनि आर्थिक विकास र समृद्धितर्फ अघि बढ्नुपर्ने बेला आएको छ भने । रासस

प्रतिकृया दिनुहोस

© 2017 Setopati Sanchar Pvt. Ltd.