भरतपुर महानगरपालिकाकाे मतगणना अन्तिम चरणमा पुग्दै गर्दा माअाेवादी- कांग्रेस गठबन्धनकि रेणु दाहालले अग्रता लिएकी छन्।
भरतपुर २० काे मतगणना जारी रहँदा रेणुले अाफ्ना प्रतिसपर्धी एमालेका देवी ज्ञवालीलाई १५६ मतले पछि पारेकी छन्।
अहिलेसम्म सार्वजनिक भएको पछिल्लो मत परिणाम अनुसार दाहालले ४२ हजार ९ सय १३ र ज्ञवालीले ४२ हजार ७५७ मत पाएका छन्।
अहिलेसम्म २० नम्बर वडाकाे २ हजार ८ सय मतगणना भएको छ। अब ५ सय २ मत गन्न बाँकी छ।
२० नम्बर वडाको प्रारम्भिक मतगणना देखिनै रेणुले लिएको अग्रताकाे ट्रेन्डलाई अाधार मान्ने हाे भने उनी जित उन्मुख भएकि छन्।
अहिलेसम्म २० नम्बर वडाको हरेक ४ सय मत गनेपछि परिणाम सार्वजनिक भएको छ। प्रत्येक पटक सार्वजनिक भएको परिणाम्मा रेणुलेनै देवी भन्दा धेरै मत ल्याएकी छन।
पहिलाे ४ सय गन्दा रेणुकाे१७४ र देवीकाे १२३ मत अाएकाे थियो ।उनलेे त्यतिखेर ५१ मतले अग्रता लिएकी थिइन। ८ सय मत गन्दा रेणुकाे मत ३२५ र देवीको मत २५५ पुगेकाे थियाे।
१२ सय मत गन्दा रेणुकाे मत ५०८ र देवीको मत ३६२ पुगेकाे थियोे ।
१६ सय मत गन्दा रेणुकाे ६८९ र देवीको मत ४७२ रहेकाे थियाे।
यतिबेला देवीले रेणुलाई ४ मतले मात्रै पछि पारेका थिए।जबकि २० नम्बर वडाको मत सुरु नहुदा सम्म देवी २२१ मतले अघि थिए।
२ हजार मत गनिसक्दा भने रेणुले ५७ मतले अग्रता लिएकी छन्।
हरेक ४०० मत गनेर परिणाम ५ पटक सार्वजनिक गर्दा एक पटक पनि रेणु पछाडी नपर्नुले २० नम्वर वडामा लगभग सबै टोलमा एमाले भन्दा कांग्रेस-माओवादी केन्द्र गठ्बन्धनको बर्चश्व धेरै भएको देखियो।
पछिल्लो पाँच पटक मतगणना सार्वजनिक हुँदा जुन ट्रेन्ड देखियो त्यो परिवर्तन हुने धेरै न्युन सम्भावना छ।
यदी त्यसो हो भने भरतपुर महानगरको मेयरमा माओवादी केन्द्रकी रेणु दाहाल जित उन्मुख भएकी छन।
