भरतपुर महानगरपालिका वडा नं १९ को मतगणना जारी रहेको छ। मेयरकी उम्मेदवार माओवादी केन्द्र–कांग्रेस गठबन्धनकी रेणु दाहालले एमालेका देवी ज्ञवालीसँग मतान्तर कम गर्दै लगेकी छिन् ।
पछिल्लो परिणाम अनुसार १९ नम्बर वडाको २ हजार ४ सय १० मत गन्दा देवी ज्ञवालीले ७९४ मत पाएका छन्। यस्तै माओवादी-कांग्रेसकी संयुक्त उम्मेद्वार रेणु दाहालले १३८७ मत पाएकी छन्।
योसँगै देवीको कुल मत ४१ हजार ७ सय ४४ पुगेको छ भने रेणुको ४१ हजार ५ सय ३मत पुगेको छ। अब देवीको अग्रता २७१ झरेको छ।
१९ नम्बरको मत गन्नुअघि देवीको अग्रता ८३४ थियो।
यस्तै उपमेयरमा पार्वती शाहले ४५ हजार ३ सय ९८ मत र दिव्य शर्मा आचार्यले ३८ हजार ४ सय ३४ मत प्राप्त गरेका छन्।
चुनाव सकिने वित्तिकै सेतोपाटीले लेखेको विश्लेषणमा १९ नम्बरमा रेणुले यसपाली थप मत प्राप्त गर्नेछिन् तर जित्नका लागि २० नम्बर वडामा भर पर्नुपर्नेछ भन्ने लेखिएको थियो।
हेर्नुहोस्