मनाङमा समन्वय समितिको मतदान भोलि हुने

मनाङमा समन्वय समितिको मतदान भोलि हुने




स्थानीय तहको निर्वाचनपछि मनाङमा जिल्ला समन्वय समितिको चुनावका लागि राजनीतिक चहलपहल फेरि बढेको छ । समन्वय समितिको मतदान भोलि साउन २१ गते हुने मुख्य निर्वाचन कार्यालय मनाङले बताएको छ ।

गाउँपालिकाको चुनावले दुई–दुई गाउँपालिकामा सीमित रहेका दुई ठूला पार्टी नेपाली काँग्रेस र नेकपा (एमाले) समन्वय समिति आफ्नो पोल्टामा पार्न रस्साकस्सी गरिरहेका छन् । समन्वय समितिमा जम्मा सात पद रहेको छ जसमा मतदाता सङ्ख्या आठजना छन् भने तीन दल र एक स्वतन्त्रबाट चौधजनाको उम्मेदवारी परेको छ ।

प्रमुख र उपप्रमुखमा नेपाली काँग्रेस र नेकपा (एमाले)को मात्र उम्मेदवारी परेको छ । नेपाली काँग्रेसबाट प्रमुखमा योग्याप्रसाद घले र उपप्रमुखमा कृष्ण लामा रहेका छन् ।

त्यस्तै, एमालेका तर्फबाट प्रमुखमा चीनबहादुर घले र उपप्रमुखमा प्रेम कुमार छन् । चार दलमा नेपाली काँग्रेस, नेकपा (एमाले), राप्रपा र स्वतन्त्र रहेका छन् ।

नेपाली काँग्रेसबाट प्रमुख, उपप्रमुखलगायत ६, नेकपा (एमाले)बाट ६, राप्रपा र स्वतन्त्रका एक/एकजना गरी १४ जना उम्मेदवार रहेका छन् । रासस

प्रतिकृया दिनुहोस

© 2017 Setopati Sanchar Pvt. Ltd.