नेकपा एमालेले वीरगञ्ज महानगरपालिकाको मेयरमा बसरूद्धिन अन्सारीलाई उठाउने भएको छ।
सोमबार बसेको पर्सा जिल्ला कमिटीको बैठकले मेयरमा अन्सारी र उपमेयरमा सोफिया आचार्यलाई उम्मेद्वार बनाउने निर्णय गरेको एमाले नेता तथा २ नम्बर प्रदेश कमिटीका संयोजक सत्यनारायण मण्डलले जानकारी दिए।
जिल्ला कमिटीको बैठकले सिफारिस गरेको नामबारे छलफल गरेर साउन अन्तिमसम्ममा केन्द्रीय कमिटीमा पठाउने उनले बताए।
‘हामी यो महीनाको अन्तिमसम्ममा नाम पठाउँछौं,’ उनले भने, ‘सबैसँग परामर्श गरेर हामी नाम पठाउँछौं।’
बसरुद्धिन वीरगत्र्जको नेशनल मेडिकल कलेजका प्रबन्ध निर्देशक हुन्। पार्टीले मेयरको टिकट दिने आश्वासन दिएपछि उनी जेठ अन्तिममा एमाले प्रवेश गरेका थिए। यसअघि उनी केहीसमय माओवादी केन्द्रमा सक्रिय अन्सारी माओवादी छोडेर एमाले प्रवेश गरेका हुन्। उनी दोस्रो संविधान सभा निर्वाचनमा प्रत्यक्षतर्फबाट माओवादीका उम्मेद्वारसमेत बनेका थिए।
उपमेयरमा भने सोफिया आचार्यको नाम सिफारिस भएको छ। प्रदेश नम्बर २मा स्थानीय तहको निर्वाचन असोज २ गते हुँदैछ।
