प्रमुख प्रतिपक्ष दल नेकपा एमालेका महासचिव ईश्वर पोखरेलले प्रदेश नम्बर २ को स्थानीय तह निर्वाचनमा पनि आफ्नो पार्टी पहिलो शक्ति बन्ने दाबी गरेका छन् ।
महासचिव पोखरेलले सत्तारुढ दलहरुले जतिसुकै गठबन्धन गरेपनि प्रदेश नम्बर २ मा आफ्नो पार्टीलाईं पहिलो शक्ति बन्नबाट रोक्न नसक्ने चेतावनी पनि दिए ।
वीरगंजमा मंगलबार आयोजित एक कार्यक्रममा प्रदेश नम्बर २ को विस्तारित बैठकलाई सम्बोधन गर्दै उनले आफ्नो पार्टीको विरुद्धमा सत्तापक्षले भ्रम छरिरहेको उल्लेख गर्दै त्यसलाई चिरेर अघि बढ्न पनि पार्टीका नेता कार्यकर्तालाई निर्देशन दिए ।
महासचिव पोखरेलले जनसंख्या र भूगोलकै आधारमा स्थानीय तहको संख्या निर्धारण गरेको उल्लेख गर्दै त्यसमा राष्ट्रिय जनता पार्टीले आपत्ति मान्नुपर्ने विषय नरहेको तर्क गरे ।
