जिसस पर्वतको प्रमुखमा एमालेका मनोहर प्यानलसहित विजयी


जिल्ला समन्वय समिति पर्वतको प्रमुखमा एमालेका उम्मेदवार मनोहर वि. पौडेल सहितको प्यानल विजयी भएको छ ।  मंगलबार भएको निर्वाचनमा पौडेलले ८ मत प्राप्त गरी  विजयी भएका हुन् । उनका निकटतम् प्रतिद्वन्द्वी नेपाली काँग्रेसका उम्मेदवार परशुराम पुरीले जम्मा ६ मत प्राप्त गरेका थिए ।

त्यसैगरी, उपप्रमुखमा नेकपा एमालेकै उम्मेदवार यामकुमारी राना  विजयी भएकी छन् । उनले ८ मत प्राप्त गरेकी थिइन् भने उनका निकटतम् प्रतिद्वन्द्वी नेपाली काँग्रेसकी उम्मेदवार  लालकुमारी सिकेले ६ मत प्राप्त गरेकी छन् ।

समन्वय समितिका अन्य सात सदस्य पदमा समेत एमालेकै उम्मेदवारहरुले विजयी हासिल गरेका छन् । एमालेको तर्फबाट उम्मेवार बनेका ज्ञानबहादुर भण्डारी, बिष्णुराम विक, कविता विक, नन्दलाल सुवेदी, ओमप्रसाद रेग्मी, बिष्णुमाया पौडेल, र शर्मिला नेपाली सदस्यमा विजयी भएका हुन् ।

जिल्ला समन्वय समितिको निर्वाचनमा सात स्थानीय तहका जम्मा १४ जनता प्रमुख/अध्यक्ष, उपप्रमुख /उपाध्यक्ष ले मतदान गरेका थिए । पर्वतमा  रहेका दुई नगरसहित सात गाउँपालिकामध्ये ४ वटामा एमाले विजयी भएको थियो भने ३ वटामा नेपाली काँग्रेस विजयी भएको थियो ।

Share:

© 2017 Setopati Sanchar Pvt. Ltd.